المدير العام الثانية
عدد الرسائل : 135 السٌّمعَة : 21 نقاط : 41 تاريخ التسجيل : 03/05/2008
| موضوع: زجل مغربي جميل للاستاذة الهام الخميس فبراير 19, 2009 8:07 am | |
| حروف إلهام
**
دارْ لْ الناس عْراضَة حْسْنْ مْنْ دارُو
باشْ يْفْقَصْ وِيْقْلِي السم لْ جارُو
أوهو فْ الدْيُوناتْ ماجابْ حدْ خْبارُو
مْرَاتُو تْعْثْرْ فْ التَكْشِيطة بْ مليون
وْلْدُو غادِي وِهْزْ سْرْوالُو كِ المجنُونْ
الحَلاقَة فْ وْدْنُو أو مْعَلَّقْ لْهايْتْ عَصر الفنون
شَعْرُو ي ْخَنْزْرْ فيكْ، خارج عل المضمون
وْ المَعْرُوضِينْ فْ التْبَرْكْيكْ يْغَنِّيوْا الملحُونْ
شرح
لْهَّايْتْ عصْر الفُنونْ
أقْصِدُ بِها البُّورْطابْلْ وَ
MP3
اللَّهَّايَة أَوْ السْكَّاتَة…. دْيالْ الدْرارِي الصغارْ
23/03/2008إلهام
*****
إيهْ علْ المُوضة أو مادارْتْ فْ ولْدِي
أنا نْربِّي..نْسهرْ..نْقرِّي وْ نديرْ جهدِي
مقابْلْ المرايا إي لصّقْ ووقّفْ شعرُو
مابْقيتْ نعرف من وجهو ولا ضهرُو
كمّلها أو جمّلْها..هبّطْ سروالو
عطاها للشطيحْ أو لاح مُستقبالو
الجنون بْشطيحو..خافُوا من خيالو
ناري على وْليدي..واشْ طرالُو
حاسبْ راسُو ماكاينْ حدْ بْحالُو
إيهْ علْ المُوضة أو مادارْتْ فْ ولْدِي
الله يْخليها موضة اللِّي طيْحتْ سروال ولدي
ilham 12/08/2008
****
كنت فْ المستقبل نبنِي وْ نفكّرْ
دابا فْ البطاطة والبصلة نقشّرْ
كنتْ نقول المرا خاصْها تتحرّرْ
واللِّيتْ طالبة السلاكْ ماباغا نعبّرْ
09/01/2009إلهام
***
يا إمّا ناعْسْ يا إمّا كايْكْمعْ
حالْ فمُّو لغربِي بحال الضبعْ
يْ قيّلْ ياكُلْ يا لطيفْ ما يْشبعْ
نقول ليه نُوض تخدم يا الصْكعْ
يْ جاوبْنِي فوقْ ما جا الخيرْ يْنفعْ
يْ خلِّينِي يا ناسْ نموتْ وْ نتْفرقعْ
04/01/2009ilham
****
السلام عليكم
بمناسبة العيد الكبير
كتبت هذا الزجل الهزلي كانتمنى يْعْجبكم
شكرا…شكرااا على تعليقاتكم اللي كاتْسعدني
و مبرووووك عيدكم
***
أنا هو حولِي العيدْ
***
ملِّي قرّبْ العِيدْ
بغاتْ صالونْ جديدْ
واشْ أنا من الحديد؟
الناس تبنِي وْ تزيدْ
وانا مقابلْ بنتْ سْعِيدْ
النّابْ عاطْياهْ هريدْ
فْ الخوى اللِّي ما يْفِيدْ
ملِّي يْقربْ العيدْ
كا تنْشرْني بحال القدِّيدْ
باعْ..باعْ..باعْ
أنا هو حولِي العيدْ
**** | |
|