زجل مغربي جميل

<DIV align=center>إلى ما بْقاتْشْ فْكْ هاهِيَ
باشْ إيحَلْفُوا الشْلاغْمِيَّة

مانْتْسْمَّاشْ وْلْدْ الفاطْمِييَّة
يا مْراتِي الشْعَيْبِييَّة
يا اللِّي تْبْدْلاتْ عْلِيَّ
وْاللِّيتْ نْرَضَّعْ ْ البْنِييَّة
وْلْغْزالة المَّرْحَة لِيَّ
مع الأفْلام المِكْسِكِييَّة
وْاللاَّتْ شَهْبَة النَّسْرانِية
إلى ما بْقاتْشْ فْكْ هاهِيَ
التِيلِيكُومَنْضْدْ تْزابِّي لِيَّ
التِّيلِيفُوناتْ مْسْتْفاهُم لِيَّ
حادْكْة وْ مْنَظْمة الشْعَيْبِييَّة
إلى ما بْقاتْشْ فْكْ هاهِيَ
مانْتْسْمَّاشْ وْلْدْ الفاطْمِييَّة
وْلادْها لايْحَاهُمْ لِيَّ
أنا عْنْدْها خْوادْرِييَّا
الصغِير مْعلَّقْ فِييَّا
واحْد فْ قُبِّي مْحْشِي لِيَّ
الثالت بْالبْكَى صمَّك وْدْنِييَّا
الرابعْ بْحالْ المُّو إخَنْزَرْ فِيَّ

والخامس إيدْفَلْ عْلِيَّ
والسَّادسْ تالْفْ بين رْجْلِيَّ
نْرارِي وْ نْرَضَّعْ فْ تْرِبييَّا

يْمكْنْ مْحَرْشاهُمْ عْلِيَّ
إلى ما بْقاتْشْ فْكْ هاهِيَ
مانْتْسْمَّاشْ وْلْدْ الفاطْمِييَّة
تْشَطَّحْ الفارة حثَّى هِيَّ
تْقَيَّلْ تْشاطِي حْدا عِينِييَّا
ماحْشْماتْ ماراعاتْ لِيَّ
أنا نْقَيَّلْ نْحارْبْ المِيزِيرِيَّة
عَلْ الخُبْزة نْقَطَّعْ إيدِييَّا
١٠كام كل لِيلة عْلى رْجْلِييَّ
أونْزِيدْ نْطَيَّبْ للشْعيبِييَّة
مْللِّي تْشْبْعْ وْتْعَرَّكْها لِيَّ
تْلاحْ للأفْلام المصرِية
وْاللاَّ تْشاطِي بالطالْيانِيَّة
إلى ما بْقاتْشْ فْكْ هاهِيَ
باشْ إيحَلْفُوا الشْلاغْمِيَّة
مانْتْسْمَّاشْ وْلْدْ الفاطْمِييَّة
دابا نْرَجْعْكْ للْعْرُوبِييَّة
تْوْلِّي تْزابِّي فْ القَصْرِيَّة
لْ بوك اللِّي لَصْقَكْ لِيَّ
تْرْجْعِي لأصْلْكْ يالْحْرَيْمِييَّة
بالْرْحَى تْوْلِّي تْشاطِي لِيَّ
الفِيرانْ مُوجُودة فْ العْروِبيَّة
شَطْحِيها وْشاطِي بِها للْصُّبْحِيَّة
إلى ما بْقاتْشْ فْكْ هاهِيَ
مانْتْسْمَّاشْ وْلْدْ الفاطْمِييَّة
تْوَلِّي تْفَرْجِي فْ البِيرْ وْالهنْدِيَّة
إلى ما بْقاتْشْ فْكْ هاهِيَ
باشْ إيحَلْفُوا الشْلاغْمِيَّة
مانْتْسْمَّاشْ وْلْدْ الفاطْمِييَّة
ilham22/03/2008

موضوع: روعة الخميس فبراير 19, 2009 9:11 am

وامِّي البَّارابُولْ خْرْجْ عْلِيَّ
دَوَّخْ لِيَّ مْرَاتِي الشْعَيْبِيّة
جْبّْداتْ الوْجْه حتى هِي
عِينِيها وْاللاَّوْ بْحالْ الشِّينْوِييَّة
وامِّي البَّارابُولْ خْرْجْ عْلِيَّ
دْخَّلْتْها المُحارَبَةْ الأُمِّيَّة
باش تْقْرَا أُو تْعَلَّمْ لِيَّ
حارْباتْ التقالِيد المغربِية
هْضَرْتْها تْخَلْطَاتْ الزُّغْبِيَا
الدَّارِجَة مْعَمْرَة بِالفَرنْسِيَّة
مْشَرْمْلَة مْزْيانْ بالمِصْرِيَّة

أُو مْعَصّْرَا فيها المِكْسِيكِيَّة
وامِّي السَّاتِيلِّيتْ خْرْجْ عْلِيَّ
واللاَّتْ الدَّرْدْكٌ عل الجْفْنا بالإِسْبَّانِيَّة

تْتْكَرْكْبْ ف الربيع بحال الهندية

دارْتْ التْرابْ أوالغَرْسْ فْ القَصْرِيَّة

أونْسَّاتْنِي فْ المْسَمَّنْ أو الخُبْزة البْلْدِيَّة
وِاللِّينَا يالْحْبابْ عايْشِينْ فْ البِّيتْزِيرِيَّة
مْصارْنِي وْاللاَّوْ إِغَرْغْرُو بالطَّالْيانِيَة
إلى غْضَبْتْ تْوَلِّي تْتْحيَّرْ أُوتْجْدَبْ لِي
وْاللاَّتْ بْ الأَنْتِيرْنِيتْ مْبْلِييَّة لِي
فْ إيمِيسَنْ تْشاطِي بْ حُرِيّة
تْقَيَّلْ بْالبُّورْطابْلْ تْبِيبِّي عْلِيَّ
تْأتْراتْ بْالأفْلام الغَرامِيَة
وامِّي البَّارابُولْ خْرْجْ عْلِيَّ

موضوع: روعة الخميس فبراير 19, 2009 9:14 am

إنشاء الله
إنشاء الله

إيميسين دارها بيَّ
***
البارابول خرج عليَّ
***
إلى مابقاتش فك هاهيَّ
***
نوضي ياأمي زوجيني
***
مالك عاكدها آيا بوشعيب
***
غادي إيغنِّيوهم مجموعة عبيدات الرمى
إوا هانتوما عطيتكم الأخبار صخونة
يالله خرجات من الفران
******

msn darha biya
إيمِيسِينْ دَارْها بِيَّ
***
إيمِيسِينْ دَارْها بِيَّ
واللاَّتْ مْراتِي عَزْرِية
تْشاطِي حْتَّى لْ الصُبْحِيَّة
عَ نْقَرَّبْ تْحَنْزَزْ فِيَّ
كاتْعانْد مع مَارِيَّا
من السِّيبِيرْ ماتْكّْعَّدْ لِيَّ
هي تْشاطِي وانا نْراري بالبْنِيَّة

وْاللِّيتْ نْخْرُجْ بالرَّضاعة فِيدِيَّا

والخَرْقَة فوقْ الطَّاكٌييَّة

وْلاَّوْا الجِيرانْ إيتْغامْزُوا عْلِيَّ

إيكْولوا شُوفُوا راجل الشعيْبِيَّة
مول الخْرْقَة فوق الطَّاكْيَّة

طْلَيْتُو من راسي لْرْجْلِيَّة
وْاللِّيتْ ناكُلْ عند والِدِيَّ
تْبارْكْ الله ع الشْعيْبِية
تْكَمَّشْ اللُّغاتْ وْتْشَيَّرْ عْلِيَّ
وْاللاَّتْ دِكْسْيُونِيرْ العْرُوبِيَّة
مْشِيتْ عند الفْقِيه إيشُوفْ لِيَّ
أنا مسكين غير نِييَّا
شْبْهْتْ فْ بَّا ولد الفاطْمِيَّة
حيتْ مْسِيكِنْ تْقاداوْا لِيَّ
واللاَّ لِيَ المَا فْ رْكابِيَ
عْطانِي حْرُوزْ بالإنْجْليزِيَّة
نْشَرَّبْهُم لْ مْراتِي الشْعَيْبِية
حيتْ مْلُوكْها من الدول الأوروبِّية
مايْفَهموش العَرْبِية
وْاللاَّوْا إيسارِيوْا فِي
فْ الآثاراتْ المغْرِبية
مْشيتْ حثى للراشدية
واشْ نْدِيرْ داخْتْ بِيَّ
إيمِيسِينْ دَارْها بِيَّ
حَرْكٌّوا الكُفَّارْ الحْرَيْمِيَّة
من إيمِيسينْ سكْنُوا فْ الشْعَيْبِيَّة

ilham18/03/2008

موضوع: روعة الخميس فبراير 19, 2009 9:15 am

إلى ما بْقاتْشْ فْكْ هاهِيَ
باشْ إيحَلْفُوا الشْلاغْمِيَّة

مانْتْسْمَّاشْ وْلْدْ الفاطْمِييَّة
يا مْراتِي الشْعَيْبِييَّة
يا اللِّي تْبْدْلاتْ عْلِيَّ
وْاللِّيتْ نْرَضَّعْ ْ البْنِييَّة
وْلْغْزالة المَّرْحَة لِيَّ
مع الأفْلام المِكْسِكِييَّة
وْاللاَّتْ شَهْبَة النَّسْرانِية
إلى ما بْقاتْشْ فْكْ هاهِيَ
التِيلِيكُومَنْضْدْ تْزابِّي لِيَّ
التِّيلِيفُوناتْ مْسْتْفاهُم لِيَّ
حادْكْة وْ مْنَظْمة الشْعَيْبِييَّة
إلى ما بْقاتْشْ فْكْ هاهِيَ
مانْتْسْمَّاشْ وْلْدْ الفاطْمِييَّة
وْلادْها لايْحَاهُمْ لِيَّ
أنا عْنْدْها خْوادْرِييَّا
الصغِير مْعلَّقْ فِييَّا
واحْد فْ قُبِّي مْحْشِي لِيَّ
الثالت بْالبْكَى صمَّك وْدْنِييَّا
الرابعْ بْحالْ المُّو إخَنْزَرْ فِيَّ

والخامس إيدْفَلْ عْلِيَّ
والسَّادسْ تالْفْ بين رْجْلِيَّ
نْرارِي وْ نْرَضَّعْ فْ تْرِبييَّا

يْمكْنْ مْحَرْشاهُمْ عْلِيَّ
إلى ما بْقاتْشْ فْكْ هاهِيَ
مانْتْسْمَّاشْ وْلْدْ الفاطْمِييَّة
تْشَطَّحْ الفارة حثَّى هِيَّ
تْقَيَّلْ تْشاطِي حْدا عِينِييَّا
ماحْشْماتْ ماراعاتْ لِيَّ
أنا نْقَيَّلْ نْحارْبْ المِيزِيرِيَّة
عَلْ الخُبْزة نْقَطَّعْ إيدِييَّا
١٠كام كل لِيلة عْلى رْجْلِييَّ
أونْزِيدْ نْطَيَّبْ للشْعيبِييَّة
مْللِّي تْشْبْعْ وْتْعَرَّكْها لِيَّ
تْلاحْ للأفْلام المصرِية
وْاللاَّ تْشاطِي بالطالْيانِيَّة
إلى ما بْقاتْشْ فْكْ هاهِيَ
باشْ إيحَلْفُوا الشْلاغْمِيَّة
مانْتْسْمَّاشْ وْلْدْ الفاطْمِييَّة
دابا نْرَجْعْكْ للْعْرُوبِييَّة
تْوْلِّي تْزابِّي فْ القَصْرِيَّة
لْ بوك اللِّي لَصْقَكْ لِيَّ
تْرْجْعِي لأصْلْكْ يالْحْرَيْمِييَّة
بالْرْحَى تْوْلِّي تْشاطِي لِيَّ
الفِيرانْ مُوجُودة فْ العْروِبيَّة
شَطْحِيها وْشاطِي بِها للْصُّبْحِيَّة
إلى ما بْقاتْشْ فْكْ هاهِيَ
مانْتْسْمَّاشْ وْلْدْ الفاطْمِييَّة
تْوَلِّي تْفَرْجِي فْ البِيرْ وْالهنْدِيَّة
إلى ما بْقاتْشْ فْكْ هاهِيَ
باشْ إيحَلْفُوا الشْلاغْمِيَّة
مانْتْسْمَّاشْ وْلْدْ الفاطْمِييَّة
ilham22/03/2008

موضوع: شعر جمبل الخميس فبراير 19, 2009 9:18 am

كانت زهور ساكتة،صابرة ما تْدْوي كِ الأمانة
تْعْجنْ،تغْسلْ،وِلا ماعْطِيتْهاشْ٠٠ تبقى جيعانة
دابا تْحَلْ لِها الفمْ٠٠ قالت عيات بنت السخفانة
بديت نضرب أو نَعْفسْ عليها كِ الدبانة
صَيْفْتْها مع الباب٠٠ خرجت حالاّ فُمْها عطشانة
رجعتْ تزاوْكْ٠٠ أنا نرْكلْ أو هي ف دموعها غرقانة
المرأة الحرة هي اللِّي ما تدْوِيشْ أو ديما حشمانة
نمشِي نخطْبْ بنت موح٠٠ دَوْخَتْني أو جاتنِي عل الكَانة

10/09/2008إلهام

***
فْ عُوطْ ماتْبِيبِّي عْلِيَّ
آجِي لْ دارِي مرْحْبا
نْكْلسو كْلْسة بْلْدِييَّا
أونْساوْا عَصرْ الزْرْبا
نْشْرْبُوا أتايْ دْ لْعْشِييَّا
وْاللِّينا فْ بْلادْنا غُرْبَا
نْشْكِي عْلِيكْ أو تْشْكِي عْلِيَّ
بْلاَ تْقْلِيقا اللِّي عْلى سْبَّا
نْضَحْكْكْ وْ الضَّحَكْ فِيَّ
مانْدِيروشْ من الحبَّة قُبَّا
نْتْكَّا عْلِيكْ أوالتْكَّا عْلِيَّ
أو نْحْيِيوْا رَحِمْ المْحْبَّا
إيخْ من الوقتْ العصرية
اللِّي فيها المرضْ وْ الطْبَّا
الله عَلْ الكْلْسة الشَّعْبِيَّة
اللِّي تْنَسِّيكْ ثْقْلْ الحْدْبَّ
boussafa charifa ilham22/03/2008

يْخْلْفْ على إيميسين
يْخْلْفْ على إيميسين وشْحالْ كريم
واخا نقيّلْ نْدْوِي،مانْخْسرْ حتى سَانْتِيمْ
منْسِّيني فْ الغُربة أو محيّدْ علِيَّ الضِّيمْ
يْخلفْ عليه تعلّمت نكتب قَ هي(9) تْسْعودْ
و ح هي سبعة (7)واقفة بحال العمود
الْ ها هي التمْنيَة( مْحزْمة كِ بنت مسعودْ
أنا هذي سنين وانا عايشْ برّا
اللغة ماتحملنيش تقولْ دْرّا
أودابا إيميسين فُكْ الجّرّا
واللاّتْ الفرانساوِية عندي حُرة
دابا أنا العربية نكتبها بالفرنسية
بلاما نطرْجْمها للطاليانيّة
ولا الهولاندية
تْعلّمتْ نهضر باللغات الأروبية
ولكن ملِّي نكتب لْشي بِيرو كاي ضحكوا علي
مساكن ماقاريِينشْ بحال إيميسين الشخصية
حتى مراتي حليمة واللاّتْ البّانْضِيا
واللاتْ تقرا أو تكتب مابْقاتشْ كامبُويا
دابا ف دوّار كلشي واللا قاري باقي غَ بويا
ilham 23/07/2008

موضوع: شعر جميل الخميس فبراير 19, 2009 9:21 am

اللِّي داخْ إي شْدْ الأرض
***
العروسة كالدور
هاهي دي كالدور

الغزالة كالدور
هاهي دي كالدور
داز العام…
أو مزالة كالدور
أو كالدوخ عليّ
شوفوا المدام كالدور

خطفت قلبي
أو كملاتْ علِيّ
شوفوا المطورة كالدور
الدورني ف الحوانت

حفّاتْ جيبي أو رجليّ
شوفوا مرا د الزمان كالدور
ها هي دي كالدور
تقيّلْ عند الفقيه والشوافة
تسحر ليّ
المغربية كالدور
ف بلادها كالدور

لسانها كايْدور
من المصرية
للطاليانية
أو زاتها حتى الهنديية
مابقى لها غير الصنيية
شوفوا المرا كالدور

غير بْ إيدِّيها كالدور
ذخلها جن الأنترنيت
حتى هي
بصبعانها كالدور
هاهي دي كالدور
تشاطي حْدا عِنييّا

شوفوا مراتي كالدور
عليّ كالدور
على حياتي كالدور
على عش الزوجيّة
طبعات الباصبور
باش تسمح فيّ

شوفوني كاندور
ها أنا كاندور
بحال الكرة الأرضية
شوفوني كاندور
ها أنا كاندور

والليت مرفوع
خمسة وخموس عليّ
دارت الحبيبة
دورت راسي
دورت قلبي
ربي اللي عالم علِيّ
ها أنا كاندور
ع وحدي كاندور
كِ الحمق كاندور

الدراري بالحجر
إي شيْروا علِيّ
ها أنا كاندور
عند حبابي كاندور

عند صحابي كاندور
حتى واحد ماحس بدورتي

ولا الدّاها فييّ
غير إي شوفوني كاندور
إي وقفوني
وِ زدحوا الباب عليّ
والليت عند أمي كاندور

دارت معايا الحنينة
أو بكات عليّ
الميمة كالدور

هاهي دي كالدور
عند العشّابة كالدور

بالشبة والحرمل
تبخر ليّ
الدنيا كالدور
هاهي دي كالدور
دارت الأيام
أو رجعت مراتي

تزاوكْ فيّ
دارت الدُّورة
أو جات نُوبْتْها

حتى هيّ
خلِّيوها كالدور
ف الزْناقي كالدور

من يدْ لْيْد
تْلاوْحْ الزُّغبيية
اللِّي داخْ إي شْدْ الأرض
19/07/2008

مالْكْ عاكّْدْها أيا بُوشْعيْبْ
***
مالْكْ عاكّْدْها أيا بُوشْعيْبْ

أنت مْعانا أُو العْقل غايْبْ
أضْحَكْ مع راسك أُونْسى الهموم
فَرَّحْ لْكٌّانا واخَّا غِيرْ يُومْ
جاوبْهْمْ بوشْعَيْبْ
خَلِّيوْنِي ياصْحابي ضارْبْ الطَّمْ
وارا مِّي طَلْعَتْ لِيَ الدَّمْ
مْشْرْبانِي الجُّغْدِيدْ وْالسَّمْ
باغانِي نْكُونْ راجْلْ أونْخْدْمْ
كٌّالُوا صْحابُو
نُوضْ أيا بُوشْعَيْبْ بَرَّدْ لْغْدايْدْ

رْكُزْ مْعَ راسْكْ حْفِّي رْوايْدْ

آشْ كٌّالْتْ مُّكْ أيابوشعيبْ
أنت مْعانا أُو العْقل غايْبْ

جاوبهُم بوشعيبْ

كُّالْتْ نوضْ أيا بُوشْعَيْبْ
يامْلَكٌّطْ الفْضايْحْ أوالمصايْبْ
بالنهار راكٌّدْ أوبالليل سايْبْ
كٌّالْتْ شَدْ فيكْ سْحُورْ السَّعْدِيَّة

ديما عند الشُّووَّافاتْ الحْرَيْمِيَّة

إلى ماشْدِّيتْهاشْ تْجِيي تْعَكَّرْ لِيَّ
كٌّالْتْ لِيَّ عَيْنُوكْ آوْلِيدِي عَيْنُوكْ
غير بْعِينِيهُمْ بْغاوْا إيطَيْرُوكْ
آجي آوليدي نْفُوسْخْكْ من السحور
ها الدْبَّانة الهندِية هاالحرمل وْالبخُورْ

موضوع: الجزل المغربي الخميس فبراير 19, 2009 9:25 am

العيبْ فْ الْمْرَا
***
العيبْ فْ الْمْرَا
وْالرّاجْلْ ما يْتْعابْ
وَخَّ تْكُونْ قمرة

إردُّوها سْحَابْ
وْلاّ شَمْسْ لْحَمْرة

إقُولو ضْبابْ
بِيضة وْلاّ سمْرَة
إِخَيْبُوهَا الأحْبابْ
إردُّوها زَمْرَة
وِهَرْدو عْلِيها النَّابْ
2006

مامْصْوَابا مامْأَدْبَة
حادْكٌّة فْ هْرِيدْ النَّابْ
أوتْلاقِي الخْيوطْ بينْ الحْبابْ
ماتْعْرَفْ تْدْوِي ولا تْتْحَدَّتْ
لْهَضْرَة عَنْدْها كا تْشَتَّتْ
بْحالْ الخُبْزْ البايْتْ إلى تْفَرْتْتْ
دِيما مسْكِينة تابْعَة لْهْدِيَّاتْ
الغْيَّاطَة حافْضالْهُمْ السْمِيَّاتْ
مْجْهْدى فْ لْخْوى الخاوي
تْجْمَعْ فْ لْخْباراتْ أو الدْعاوِي
2007
***

مْراتْ وْلْدي
***
مْراتْ وْلْدي مْزَوْقَة بْحا&%2

window.google_render_ad();

» زجل مغربي جميل للاستاذة الهام
» تابع للزجل الجمبل للاستاذة الهام
» ساعة العشق الكبير إنتهت ..
» الرد على المدعو ابو مريم الذي ينتقد من يتكلم في الجلس العلمي بتاوريرت (انظر الخبر التاوريرتية