منتدى العيون الشرقية

منتدى العيون الشرقية المغرب يهدف الى التنمية المحلية بكل تجلياتها الفكرية و الاقتصادية و الاخلاقية و الدينية و التقنية ....
 
الرئيسيةمكتبة الصوراليوميةس .و .جبحـثالأعضاءالمجموعاتالتسجيلدخول
بحـث
 
 

نتائج البحث
 
Rechercher بحث متقدم
المواضيع الأخيرة
»  للمسة الأخيرة
الأربعاء أبريل 16, 2014 12:08 am من طرف سمير العوني

» السلام عليكم ورحمة الله وبركاته
الثلاثاء أبريل 15, 2014 3:56 pm من طرف سمير العوني

»  ساعة العشق الكبير إنتهت ..
الثلاثاء أبريل 15, 2014 3:50 pm من طرف سمير العوني

» معلومات رآآئعة و مفيدة
الأربعاء أبريل 10, 2013 2:41 pm من طرف al janna amali

» نوافل المقربين
الجمعة مايو 18, 2012 2:49 am من طرف حمدى السيد

» كيف يحبك الله
الخميس أبريل 12, 2012 5:21 am من طرف حمدى السيد

» مواقع التوظيف
الأربعاء أغسطس 24, 2011 4:29 am من طرف المدير العام

» مواقع ترفيهية وتعليمية للاطفال
الجمعة أغسطس 12, 2011 6:39 am من طرف مهى العيونية

» صورة جميلة
الجمعة أغسطس 12, 2011 6:30 am من طرف مهى العيونية

ازرار التصفُّح
 البوابة
 الصفحة الرئيسية
 قائمة الاعضاء
 البيانات الشخصية
 س .و .ج
 ابحـث
منتدى
التبادل الاعلاني
احداث منتدى مجاني

احصائيات
هذا المنتدى يتوفر على 78 عُضو.
آخر عُضو مُسجل هو فوزية فمرحباً به.

أعضاؤنا قدموا 491 مساهمة في هذا المنتدى في 317 موضوع
سحابة الكلمات الدلالية
تعريف مفهوم الغيب
أفضل 10 أعضاء في هذا المنتدى
المدير العام
 
ihssane
 
سمير العوني
 
حمدى السيد
 
satoro_one
 
عاشق العيون
 
محمد الأشجعي
 
مهى العيونية
 
عبدالرحمن مندور
 
h-anafi
 
تصويت
كيف تنظر الى المشاريع المنجزة باحياء العيون ؟
1:توبة المجلس البلدي و النهوض من غيبوبة
20%
 20% [ 1 ]
2:من شطحات الانتخابات و التفكير في المدينة في اخر اللحظات
20%
 20% [ 1 ]
3:البركة في الباقي من الميزانية العام الاخير فيه الخير
60%
 60% [ 3 ]
4:فرصة للمصالحة بين المواطن و البلدية
0%
 0% [ 0 ]
مجموع عدد الأصوات : 5

شاطر | 
 

 امثال و حكم جميلة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
المدير العام
الثانية
الثانية
avatar

عدد الرسائل : 135
السٌّمعَة : 21
نقاط : 41
تاريخ التسجيل : 03/05/2008

مُساهمةموضوع: امثال و حكم جميلة   الخميس فبراير 19, 2009 9:38 am

عيى قلمِي ما يْ تْخبّعْ يْ حشمْ وِيْ ديرْ الصوابْ


دفعوهْ الحروفْ واللاّ مسكين ْيْجدبْ عل الكتابْ

ilham17/02/2009



خفتْ على راسِي من الرِّيح أو غطِّيتُو

ماجْبْتهاشْ فْ راسِي ولا سطِّيتُو

الدِّيتْها فْ راسِي أو من الخوى حضيتُو

هزِّيتْ بْراسي..درتْ لو النفسْ أو علِّيتُو

خفتْ على راسي أو بْ الخوف نجِّيتُو

11/11/2008إلهام







إلى بْغيتِي فْ ولدْكْ تتْهلاّ

قول إيه أو كثّرْ من لاّ

صُوتُو عليكْ مايْتْعلّى

ما يْمْدْ لا يْدُّ ولا سلاّ

يْزرع لحياتُو وِياكلْ الغْلاّ

إيه ديما كاتْرشِّي وْالِّدير لْعْلاّ

وِعيشْ حياتُو كايْ تفلاّ





http://R255682.copyrightfrance.com



كل واحد فينا أو باشْ موَلّفْ


كاين اللِّي لقى النميمة فاشْ إيتلّفْ

كاين اللِّي فاتْ جهدو وِيْ تكلّفْ

كاينْ اللِّي بْ الشِّيكِي ديما مغلّفْ

كاينْ اللِّي ناعس هانِي وِقيّلْ يْتْسلّفْ

والمعقولْ والدغرِي الزمان فيه محلّفْ

***

01/12/2008إلهام





ضحكتْ مزيانْوْ الضحكْ تَلَّفْنِي

ملِّي عرفْ نقطة ضُعفِي قالِّي سلَّفْنِي

بْناقْصْ من الضحكة إلى كانتْ جِيبِي تْكَلَّفنِي


ilham 10/11/2008





الخوخْ كلُّو دوا واخّا راسُو مثقوبْ


ماتْشُوفْ الجوا ولا الراس المغلُوبْ

ما تْبَعْ لْخوا وْترْمِي لسانكْ فْ الدنُوبْ

العقل زينْ واخّا الراسْ عامر حْبُوبْ

ilham 25/12/2008



كان صوتي إي سكّتْ الدرِّي إلى بْكا


واللاّ يقتل الضحكة وِفيّقْ الدرِّي بْالبْكا


ilham 25/12/2008







دارْ لْ الناس عْراضَة حْسْنْ مْنْ دارُو

باشْ يْفْقَصْ وِيْقْلِي السم لْ جارُو

أوهو فْ الدْيُوناتْ ماجابْ حدْ خْبارُو

مْرَاتُو تْعْثْرْ فْ التَكْشِيطة بْ مليون

وْلْدُو غادِي وِهْزْ سْرْوالُو كِ المجنُونْ

الحَلاقَة فْ وْدْنُو أو مْعَلَّقْ لْهايْتْ عَصر الفنون

شَعْرُو ي ْخَنْزْرْ فيكْ، خارج عل المضمون

وْ المَعْرُوضِينْ فْ التْبَرْكْيكْ يْغَنِّيوْا الملحُونْ

شرح

لْهَّايْتْ عصْر الفُنونْ

أقْصِدُ بِها البُّورْطابْلْ وَ

MP3


اللَّهَّايَة أَوْ السْكَّاتَة…. دْيالْ الدْرارِي الصغارْ

23/03/2008إلهام








باعوا الدَّارْ الواسْعة والْمنقُوشة القْدِيمة

أو سْكْنُوا فْ صندوقْ من الصنادق الزِينة

دْكْوا وْتَادْهُمْ فْ قْفْزْ بْعِيدْ أو هجْرُوا الخِيمة

خْتارُوا شارع واسع باشْ إيبَانُوا وسط المدِينة

لاحُوا أصْلْ بَّاهُمْ أو شَبْعُوا مْنْ بْزُّولة المِّيمة

شْراوْا النْصارى الرِّياضْ أو فْ آثاراتْنا التَّرْزِينا

26/03/2008إلهام شريفة بُصفَا







كٌّالُوا سْيادْنا اللْوَالاَ


اللِّي فاتْكْ بْلِيلة،فاتْكْ بْحِيلَة

إلهام زادتْ

كايْنْ بْنادْمْ اللِّي فاتْكْ بْ آلْفْ لِيلَة أُو لِيلة

أمَّا الحِيلة كَ الدُّوزْ عْلى عينُو صْحِيحة أُو طْويلَة

الناس تْجْري ف حَرْ الزْمانْ أو هو كَيْقَلَّبْ عَلْ الظْلِيلة

02/01/2008إلهام

http://R255682.copyrightfrance.com






يْكْذبْ عليكْ الكذّابْ


اللِّي يْتْظاهْرْ بالفرحة الدّايمة


اللِّي بيّنْ سماهْ صافية ماهي غايْمة

يكذبْ عليكْ الكذّابْ

اللِّي زوَّقْ عِينُو…أو هيّ فْ الدموعْ عايمة

اللِّي قولْ مرتاحْ…وْ جفانُوا ماهي نايْمة


اللي يْضحك عل الحب…وْ روحو عل الغرام صايمة

يكذْبْ عليكْ الكذّاب

اللِّي قول شبعان…أو نفسو عل الخبزة حايْمة

****



كيفْ طرا وْ جْرا حتى رحلُوا دموعِي من الحومة

خرجت ضحكتي من عماقي اللِّي كانت مردومة

كيفْ طرا وْ جرا حتى طلعت الشمس تنوّرْنِي

بْ خيُوطها تْكَمّطنِي،ترارِي بيّ وْ الدَّوّرْنِي

نهارْ كبِيرْ هذا..نحمد الله اللِّي خلقني وْ صوّرْنِي

ilham17/02/2009



إلى لبسْتِي للملوكْ..وجّدْ راسكْ للجّدْبة

ولى ولدْتِي غيرْ نسى المِّيهة العذبة

ilham17/02/2009




كان عندِي وجه واللاّ زلافة خاصني ندرْقو


كنت حاسباه يبقى جميل ساعا غدا وْ نغرْقُو

قولُوا غير الكلام لحلُو إلى ماعَنْدنكم مات صدْقُوا

الكلمة الطّيبة صدقة.. صدْقُوا أو لا تْصدْقوا

ilham17/02/2009





إلى كانت الصباغة حرة كِ الشّهدة

الله إي دوّمْها وِ خلِّينا فْ صباغْتْنا

وِلى كانتْ مشرطَة كِ خدُودْ العبْدة

نْبَدْلُوها بْ ذكائْنا،إيمانْنا أو قُوّتْنا

ilham17/02/2009



إلى طاحْتْ نَفْسكْ..هزْها أو حطْها فْ النِّيفْ

ما الطّيْحْها وْترْمِيها واخّا توْحَلْكْ وْتْ جيفْ

ilham17/02/2009




النِّيف إلى هبطْ يحفر علْ الخبزة ماشي عيبْ

مابْقاتْش فْ النِّيفْ المهزوزْ وْ البُّورتابْلْ فْ الجِّيبْ

ilham17/02/2009



هذاك ماشي لسان اللي عندو ف فمُّو


هذاك أخطر حنش ما تْبراشْ من سمُّو

ilham17/02/2009




شفتْ الحنشْ أو ماخفتْ منُّو

غير بان اللسان وانا نهرب منُّو

ilham17/02/2009




مشى للحج أو جاب الشيطان معاه


واللاّ بالنفاق والكره ديما حداه

ilham17/02/2009



مشى للحج حيت جاه فْ الطريقْ

جاب الشيطان أُو واللاّ ليه صديقْ

ilham17/02/2009



الفلوس لْذاذ إلى كانُوا معاهُمْ الهْنا والركابِي

إلى مشات الصحة آش قضاوْا لي جيابِي

ilham17/02/2009





ورِّيتُو يدِّي وْبْكيتْ عل الكزِيما اللِّي فيهُمْ

فكّرْتُو فْ لْمّاعْنْ أو قالي عافاك غسلِيهُمْ

ilham17/02/2009



إلى خطاتك الصحة وْ الدراعْ

اذخل للزريبة أو قول باع

ilham17/02/2009



مللِّي كانُوا الحجّاج كايْ رجمُوا فْ الشيطان

دارُو هو فْ قلبُو أو جابو معاه

رجعْ الحاجْ ديما بالسكرا يْ ضربُوه الحيطانْ

جرى علْ الملائكة و تْصاحب معاه

ilham17/02/2009




قول فيّ مابْغِيتْ أو خفّْفْ عليّ من الدنُوبْ


أنا فْ ساسِي علِّيتْ وْنتَ تعلِّي فْ الكذوبْ

ilham17/02/2009




وجْعتْنِي الهضرة اللِّي قال أو مالْقِيتْ لِيها دوَا


ما كايْنْ ما أصعبْ من القيل والقال عل الخوا


ilham17/02/2009




سوس لسانكْ من الغبرة


عاد فرشُو بالهضرة

ilham17/02/2009



غسل لسانك بعدا عاد بيْنُو


أو بالهضرة الموزونة زيْنُو

ilham17/02/2009



طيّبْ الماكلة عاد كولها


ووزن الهضرة عاد قولها

ilham17/02/2009



قالُوا لِي ديرْ النِّية أو درتْ حسابِي من اللِّي قالوها


قالوا لِي نعس مع الحية باش تقتلْنِي وْ فلُوسِي ياخْذوها

ilham17/02/2009





اللسان بلا سرجْ ي ضرَّكْ


وْبلا لجام للحافا يْجرّكْ

ilham17/02/2009



مللِّي ركبْت عل الحمار ما دوا ما تكلّمْ


غير ركبت على اللسان واللاّ غادي وِ سلّمْ


ilham17/02/2009



خرجت من الهْمُوزْ الحامضة باش ما نخرج على راسي


خرجت من الأسواق الغامضة تحرّرْتْ و ذخلت سوق راسي

ilham17/02/2009



كلب فلان عندو قيمة وْ شان

وْ أمْ فلان تلاحْتْ ل نْياب الزمان

ilham17/02/2009



بْ ضرافْتِي كانُوا الناس إي عمرُوا الجياب

قرّرْتْ نخرّجْ جبهتِي أو بدّلتْ سنانِي بْ النيابْ

واللاّتْ ضحتِي يْ تحْسبولْها مائة وْ آلف حساب

ilham17/02/2009



الحالة حالة الله واشْ إي قول الميت لْ غسّالُو

هو فْ يد الله اللي عالم بيه وْ عالم بْ حوالُو

ilham17/02/2009



توسّدْ عقلكْ وْ تغَطّى بْ لْسانْكْ

إلى بغى يْعرِّيكْ سدْ عليه بْ سنانكْ

ilham17/02/2009



تقدر تبْرا من سم الثعبانْ

أو ما تبرا من سم اللسان

ilham17/02/2009



اللهم سم الثعبان ولا سم اللسان

ilham17/02/2009



الصداع فْ الأعماقْ والإبتسامة برّا

إلى سبحْتِي تغراقْ واجّا ما فكْ الجرّا

ilham17/02/2009



كان مخبِّي تحث لسانُو

غير بانْ عرفنا عنوانُو

ilham17/02/2009



خلِّي لسانكْ ساتركْ وْ مغطِّيك

عنداك إي فضحكْ وِ يْعرِّيكْ

ilham17/02/2009



الوجه بايْنْ واللسان مخبِّي

ما عرفناه ضاسْرْ أوْ مربِّي

ilham17/02/2009



إلى تغطِّيتي بْ لسانْكْ إِي ستركْ

وِلى لحتِي غطاكْ إي عرِّيك وِ غدْرْكْ

ilham17/02/2009



حكِي أسرارك وهمومك للكلبْ أو لا تحكيها لْ لْسان

الأولْ فْ العديان يْ سبْ والثاني إي حل لهم البِيبانْ

ilham17/02/2009



إلى غرقتِي فْ البحر تقدر تخرج منُّو

وِلى غرقتِي فْ اللسان واجا ما خرجك منُّو

ilham17/02/2009




قبل ما تذخل لعندي حط صبّاطك ف الباب


صبّح عليّ بالإحترام وْ نجاوبك بالصواب

ilham17/02/2009



الذّاخل بْ صبّاطُو.. الباب عرضْ من كتافُوا

إخرجُو لْ برّا وِيْ تهلاّ حتى فْ ضيافُوا

ilham17/02/2009



النّاسْ تهضر على راسْها أو هو بْ خوه يْ فَيَّشْ

لاخُرْ دار حياتُو أو هو جيبُو خاوِي و راسُو مريَّشْ

ilham17/02/2009




اللِّي بْغا العزْ والإحترامْ مايْطلبْ النّاس عليه


إيديرُو لْ راسو ولى تكلّم الناس كلها تسمع ليه

ilham17/02/2009



بدَا تحب نفسك إلى بغيتي تحب غيركْ

إلى كرهتي نفسك غَ تنتاقم من غيرك

قرّبْ وْسمع لنفسكْ ترتاح وِ رتاحْ ضميركْ

ilham17/02/2009



نفسكْ عليكْ حقْ.. قالها مول الحق

إلى غظباتْ وجَّدْ صحتك للدَّقْ

ilham17/02/2009





عمّرْ اللِّي كاره راسو ما تْسايْنُو يْبْغِيكْ


ماحنْ حتى ف راسو أو باغيه يرضيكْ

ilham17/02/2009



واشْ اللِّي كاره راسو تسايْنُو يْبْغِيكْ

علمُو يْحبْ راسو باشْ إيموت عليكْ

ilham17/02/2009




كلامك رطبْ بزّافْ حطْ فيه الجبْهة والقْصُوحِيّة


اللِّي تمدّدْ فوقُو يْ نُوضْ مايْتْسَحْلاشْ الرطُوبِيّة

ilham17/02/2009



كيّْتْ اللِّي دواهْ حداه أو عاشْ مريض مقهور

جا البرّانِي وْ الدّاهْ عاد مشى يقطعْ عليه البحور

ilham17/02/2009




ماشِي عِيبْ على راسك تخاف

العيبْ إلى طاحوا ليكْ الكتاف

ilham17/02/2009



هزِّيت مناخْرِي أو رجعاتْ فِيهُمْ النّفْسْ اللِّي طاحْتْ


تهزُّوا كتافِي،علاّوْا راسِي وْ عيونِي بالفرحة ساحتْ

ilham17/02/2009






درْتْ الزَّرْدة لْراسِي وْ عْرَضْتْ علِيه

حطِّيتْ لو القناعة وْ بالإيمان تهلِّيتْ فِيه

زدْتُو الصبرْ أو حبْ الناس مابْخلْتْ عليه

ilham17/02/2009




غِيرْ بْ صُوطة من الرّابُوزْ شعلاتْ العافِية


الخاطرْ يرتاحْ واللاّ يتْجرحْ بْكلمة وحدة كافية

ilham17/02/2009



كيَّتْ اللِّي نفْسُو فْ كرْشُو واخّا عريانْ أو حافِي


اللِّي تخَلْوَضْ ليه الما وِيْ جيه حلو أو صافِي

أُو ما تعَلَّمْ من الرّابُوزْ بْ نفسُو تشعل العوافِي

ilham17/02/2009




دِيرْ الخاطْرْ للقرْد..إيعَرِّي لكْ راسْكْ وْيْ يَفْلِيهْ


يْ عيَّطْ القرودة إي قتْلُوا قملُوا وِ قصرُوا عليه

ilham17/02/2009



حتى تسرّجْ لسانْكْ بعْدا عادْ ركبْ عليه


وِلى بْدَا يْجدبْ ڮَمطُو أوْ عقدْ ليه رجليه

ilham17/02/2009



إلى مشاتْ حتى حفاتْ لِكْ النّقشة.. واشْ إيفِيدْ كثرة الزواقْ


واخّا ترطّبْ الهضرة الحرشة.. الشجرة طاحو لها الأوراقْ

اغْسل مزيانْ خنزْ الكرشة.. من بعد طيابْها تلدّدْ المذاقْ

ilham17/02/2009



واخّا تباتْ تحكْ لي فْ راسي

تخبّرْلِي حتى يْ طيبْ نعاسي

وْتْصنع لِي شربيلْ بالصّمْ فاسِي

ما نْ متْعكْ بأسراري وْ إحساسي

أو ما نورِّيكْ السوسة اللي ف ضراسي

ilham17/02/2009





ذخْلُوا عِينِي فْ راسِي وْرْماوْا دمُوعِي لْبْرّا

واللِّيتْ واحلة فْ جلايْلِي واجّا ما فُكْ الجرّا

ilham17/02/2009





قالوا زمان


دير النية وْ انعس أوْ ارْقْدْ مع الحيّة

إلهام تقول

إلى مشيتي حتى درتِي النِّية

ما تنْعسْ حتى تقتل الحية

***

وأقول أيْضا

واخّا الدِّير النيّة احْضي راسك من الحيّة

ilham17/02/2009






بْلاما تحاول،عُمرك ما تقطع البحر على ضَهري

أنا ضهري مالح ٠٠ما يركب عليه غيرالصافي الدُّغْرِي

اللِّي مْلِّلي نعوّلْ عليه نلْقاه٠٠ ماشي يهرب أو يْجري

أنا ضهري كايْ زلّقْ اللِّي بْغا يْبِيعْ فِيَّ أو يْشْرِي


10/09/2008إلهام

عنداكْ تركبْنِي بحال عويدْ الرِّيحْ


واخّا تكون بحال عنتر راكْ الطِّيحْ

تعْيى تفْقصنِي مانْ خرّجْ فلالْسْ ولا قِيحْ

بلاما تْلوّنْ..كونْ معقُول أو صريحْ

لوحْ الهضرة المْهرسة أو قُولْ كلام صحيحْ

نْجاوْبْكْ بكلام حلُو أو بالعسل إي سِيحْ

ilham 29/11/2008

******



شافونِي ساكتْ..قالوا هذا درويشْ أو مازالْ مسكين نِيّة

دارونِي الوسطْ أو بغاوْا إي قصرُوا وِ ضحكوا علِيّ

جمعتْ معاهُم بْ عقلِي وْ لسانِي.. وْ تكَمشُوا تحت رجْلِيّ

بقيتْ ندَرْدكْ علِيهُمْ الليل كامل بحال القعدة والبستِيلية

01/

12/2008إلهام


مالك يا لسانِي هاز الهضرة تْكمّشْ وْ تدْرْسْ

والمنَمَّمْ تابعكْ يلحس أو بلسانُو فيها يْغرسْ

ي حصدْها جيعانْ الإيمانْ أو فيها يْقيّلْ يْفْرسْ

13/01/2009إلهام






إلى مشاتْ حتّى كثْرتْ عليكْ الفهامة


الطيّحْ سوالف الليل بْ نهار عل الغمامة

وِ بْداوْا كشاكْشْ الغظبْ إنطْحُوا الزعامة

08/01/2009إلهام




خلِّيكْ فْ هواكْ خلِّيكْ


دابا الوقتْ الدُّورْ وْتْورِّيكْ

اللي يْكرْهْكْ وْاللِّي يبْغِيكْ

04/01/2009إلهام


غمَّسْتْ لسانِي فْ الكذُوبْ


بْشْدُوقا سايْلِينْ بكثرة الذنُوبْ

بْدِيتْ نوَكّلْ الرّاسْ المغلوبْ

ونزِيدْ نْقَوّسْ ضهرُو المكبُوب

04/01/2009إلهام



المعقُول راسُو مسكين منتُوفْ



مللِّي يْنصحك تجاوْبُو بْ أوفْ

04/01/2009إلهام




العقل المنوّرْ.. البق مايْ قرّبْ ليه ولايْ مسُّو

والعقل المظلامْ يْتجمعْ عليه أو دَمُّو يْ مصُّو

04/01/2009إلهام



ذخل من الحج بالطّبّالة وْالغيّاطة

أو هو كايْ صدّقْ غير الشيَاطة

04/01/2009إلهام




الزمان مْرَمّا.. وانا تُوبْ


إقيَّلْ إجَبَّدْنِي أو مانْ تُوبْ

04/01/2009إلهام




الزمان حمام..أعصابِي فيه طلقتْ وْرخِيتْ


غير طوّلتْ عصّرْنِي أو خرّجْ منِّي الزيت

04/01/2009إلهام



من كثرة شوقِي ليكْ واللِّيتْ نهَرْتْلْ

فْ دموعِي وعذابِي نكسكسْ وْ نفْتْلْ

أنا نحيِي الذكرياتْ أو هي فِيّ تقتْلْ

04/01/2009إلهام




غيرْ خرّجتْ كلامِي وْ طلقتْ سراحُوا

كل أعضاء جسمِي تْهَدْنُوا وْ رْتاحُوا

واللاَّ عقْلِي يْتْمعّنْ وْيْتْمتّعْ بنورْ صباحو

04/01/2009إلهام




إلى شفْتِي الوردة دابلة سقيها


يْمكنْ عطْفْكْ من الموت إينجِّيها

04/01/2009إلهام










مرة مرّة سمع للأحمق واشْ إي قولْ

تلقى راسك وسط الحق و المعقولْ

تنسى بللِّي الأحمق أحمقْ أوْ مهبولْ

تتمنّى تكون أحمق أو تْفَيّقْ المسؤول

اللهم أحمقْ إيقُولْ الحق واللاّ كذّابْ مدلولْ

01/12/2008إلهام



مللِّي تسلّفْ صاحبكْ غِيرْ تْوادْعْ معاهْ


يا إمّا ضربُو وْ عايْرُو واللاّ تْسامحْ معاه

01/12/2008إلهام



قاليِّ سلّفْنِي أوفْ راسْ الشهر والله ليكْ حتى نْردْهُمْ

سلّفتُو وْبْكِيتْ على فلوسِي اللِّي عمّرْنِي ماغا نشُوفْهمْ

01/12/2008إلهام



قْبْلْ مانْسَلْفُو الفْلوسْ إلى ماجاشْ، فْ التيلفونْ يْعَيَّطْ

مللِّي بْغِيتْ فْلُوسِي واللِّيتْ نْرَقَّعْ عْلِيه الدْرُوبا أو نْخَيَّطْ

08/04/2008إلهام



تاتا ماكْلْتْها غير الناموس وْنْعاسْها علْ الحديدة

وِلا شفْتيها ديما لابسة كسوة ملونة جديدة


01/12/2008إلهام



على غِيرْ واجِي وْكولْ مخْ الراسْ؟


شوْطُو حتى يضحك وِ بانُو الضراسْ

فوْرُو أو عادْ ضربُو ضربة الفاسْ

01/12/2008إلهام





مللِّي جلستْ أو هو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://laioun.7olm.org
 
امثال و حكم جميلة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى العيون الشرقية :: الشعر و القصة-
انتقل الى: