همسات تافهة

موضوع: همسات تافهة الجمعة فبراير 20, 2009 7:53 am

لا حيا لاحشما في هاذ الزمان*******لكلام الشين في كل دار مسموع
سب الام و الاب و حتى الاخوان ******** العيب في بنادم ديما متبوع
عيب القلب يبينو اللسان ********** يخفى في الظلام الانسان الضبوع
المسخوط يتبرو منو الجيران **********هو في البير يحسابو مرفوع
ما يصدق الماء و يبغي يبان ****** الماء ديال ربي في الارض مزروع
و لا يفرق بين الصدق و البهتان*****كل يوم غادي للمحكمة منها مرجوع
في الطريق ايسب و يغز في السنان*******بحال حمار الغابة بين السبوع
ما يقول الحق واخــــــــــــا يتهان********يقلب الحدورة يردها طلوع
لفلوس عندو هي الصح و الشان******و لو يكسب مال الدنيا يبقى طموع
يتكلم في الصديق و الفنيـــــــان *******ناسيي الله و الرسول و الركوع
واقف كا اليبرة في وسط الكتان*******ولى هو الشكام في وسط الجموع
ايدور حتى يتزاد الحمــــــــــان ******يرجع لدارو بحال الكلب المصروع
اتقول فرعون ولى من الزمان *******قاسح راسو و غليظ الضلوع
يتمشى بجال جاك ايشــــــــتان ********ايشوف فيك تبقى مخلوع
تحسبو فاندام في فيلم مريكان*******كلشي فيه حتى العرى و الجوع
خليك من التهور و كون انسان*******ضوي دارك بالغاز و الشموع
و أطلب المغفرة من الله الرحمان ********كن للمنكر رجل منوع
دير الخير تعيش في الامان ********بحال الذهب الصافي ديما مبيوع
مع تحيات اخوكم سمير العوني

رمانة في وسط الصحراء دايرة نوار
خضراء منورة طلعة في القفار
لو كان جات احدى الناس تصفار
تذبال يتبس حبها ما يحمار
سبحان اللي يعطي فاكهة بلا مطار
و سع الدنيا و عمرها بالاسرار
واش تسوى ياحاسد و لاد الجار
واجد ليهم كالعقرب في باب الدار
اطلب ربي يرحمكو توب للغفار

موضوع: خليني بحالي الجمعة فبراير 20, 2009 8:00 am

خليني من كلامك الخاوي **********الترقاع في الهدرة غير خسارة
شحال من واحد بالوش كيداوي*******ناسي الفقيه و الطبيب في الحارة
يا طالع من الصباح و تهاوي ********* شد خدمة خليك من السحارة
كلشي من ربي و من الدعاوي *******بنادم بحالك ما عندو مارة
لي يكثر في الهدرة و الشكاوي ******ينزل الحق و يطلع في الشطرة
يزيد من الكاتو و الحلاوي *******بايت الناس فيه محتارة
الكمون الحر و بخور الجاوي *****ما يدير الصحة و ما يعمر الشكارة
شدني من رجلي و رمني سماوي ******نطلع للقمر و الكواكب المختارة
من زين و جهو من الداخل كاوي *******ما يرحم الناس و ما يعاون الفقرا
زوق في وجهك و بدل الكساوي ******يالغالط افهم هذه الاشارة
إشارة الحب و التساوي ************انعيشو في وئام بلا تصارة

من مذكرات سمير العوني ايام الشباب لها همومها و ابدعاتها

موضوع: المكوب الجمعة فبراير 20, 2009 8:01 am

كلشي بالمكتوب أعلاش العيب
إلى اعطاك يحسبك الناس قريب
الى غاب الرزق تولي لهم غريب
يا سألني على حالي فتش الجيب
جيبي يعطيك اخباري يا رقيب
ديير علي الغر راك اتخيب
بعد من طريقي تلقى الراحة يا غريب

موضوع: الربح باين الجمعة فبراير 20, 2009 8:02 am

واش ربحكم الى وصلت لهاذ الحال
ندور في الدروب و لا انتيه في الجبال
ما يهمني السيارات و لا نكسب المال
اعلاش تنوي لخوك من العيب القال
عوم في بحرك و خليني على الامال
اصبر على ما اعطاك الله من امال
بعد ما فيه الحرام و عفت الاعمال

موضوع: مرضي الوالدين الجمعة فبراير 20, 2009 8:03 am

زيدوني من الدعاوي يا و ليدي
باش نبقى مرفوع غلى كل بلية
لي بغا الخير يتوكل على الله و معاه النية
لي توكل على الشيطان ايعود مراه الخطية
شحال من واحد رابط رزقو بالغربية
عقلو امشى حرق ما يفكر غي في الرمية
و المنافسة اعليه من التحت ابداتها العربية
اتقلد في اللباس و الهدرة و حتى في التربية

انسات العادات و القوانين الشرعية
خلوني نبكي مدام الهم معايا
مرض السيدا ما يتشافي بالكية
لازم نفكرو في دار الهيه فبل الدنيا

افكار شبابي اشاركم اياها اخوكم سمير العوني

موضوع: ديير احتياط الجمعة فبراير 20, 2009 8:05 am

الله اينجيك من الدخان و المراة المسخوطة
و من الكيف و الشراب و لعب الكارطة
ما طلع الشان للغاني و تنسى الناس المزلوطة
فكر اقبل ما تعاشر الناس المغلوطة
وجوه الشر البلية على و جوهم مخطوطة
يضرب البرد لي يمشي للحمام بلا فوطة

موضوع: خمسات زوينة الجمعة فبراير 20, 2009 8:06 am

شحال يوريك الشيطان من طريق
يبني ليك القوالب بلا ما تعيق
هده هي الدنيا حتى نحصل عاد نفيق
لازم طلع حسابك في الايام ما تيق
اختار من الناس لملاح شي صديق
ايكون خوك في الفراح و الضيف
يا شارب اللبن غلى الضيق
راك كي القهوى في قاع البريق

موضوع: اتسامخ الجمعة فبراير 20, 2009 8:07 am

قلبي ديما يجرني نتسامح
شنى ايلا جات مع الناس لملاح
الانسان على تغيير المنكر ايكافح
خليني من داك العيش كي السافح
بجال السكايري من الحانوت مروح
تيقني عمرو ما يهنى و لا يستراح

موضوع: خواطر رائعة الجمعة فبراير 20, 2009 8:08 am

كي يتلقى المليح مع لميلح يعيشو بالنية كي يتلقى الدوني مع المليح لمليح تقتلو الغبينة
كي يتلقى الدوني مع الدوني يخوو المدينة

زاهية و باهية في السبير القتها بنت الناس مزين السعد لي يديها
الى دخلت كالشمعة تضوي بيتها

العب و اضحك ز اعمل الهم طريق يخرجك من المحنة و الضيق
سبحان من صورك يا زين راني معاك بالقلب و باليدين

يا لي واقفة فوق السقف ردي عقلي راه مني تخطف
ما تحاوليش تغطي الطرف قولي بسم الله و نطقي الحرف

كلشي بالمكتوب حبيبتي باينة ساكنة في صور بنيانو متنة
كي نهدار معاها تجاوبني بالغنا سرنا ما يعلمو غير ربي و احنا

عينك يا بنت الناس كيف النوارة و اللسان كيف العسل الحلوة
مشيتك تنغم كيف الكتارة كلامك عامر معنى و مروة
خممت في حروف سميتك:
ايمان و تقوى بها عامر قلبك
حنان حارس مع كل تصرفاتك
سخاء و عطاء ما ينقص و لا يخطى حياتك
نية نطلب من العلي الكريم تحقق كل امنياتك

مع تحيات اخوكم سمير العوني