منتدى العيون الشرقية

منتدى العيون الشرقية المغرب يهدف الى التنمية المحلية بكل تجلياتها الفكرية و الاقتصادية و الاخلاقية و الدينية و التقنية ....
 
الرئيسيةمكتبة الصوراليوميةس .و .جبحـثالأعضاءالمجموعاتالتسجيلدخول
بحـث
 
 

نتائج البحث
 
Rechercher بحث متقدم
المواضيع الأخيرة
»  للمسة الأخيرة
الأربعاء أبريل 16, 2014 12:08 am من طرف سمير العوني

» السلام عليكم ورحمة الله وبركاته
الثلاثاء أبريل 15, 2014 3:56 pm من طرف سمير العوني

»  ساعة العشق الكبير إنتهت ..
الثلاثاء أبريل 15, 2014 3:50 pm من طرف سمير العوني

» معلومات رآآئعة و مفيدة
الأربعاء أبريل 10, 2013 2:41 pm من طرف al janna amali

» نوافل المقربين
الجمعة مايو 18, 2012 2:49 am من طرف حمدى السيد

» كيف يحبك الله
الخميس أبريل 12, 2012 5:21 am من طرف حمدى السيد

» مواقع التوظيف
الأربعاء أغسطس 24, 2011 4:29 am من طرف المدير العام

» مواقع ترفيهية وتعليمية للاطفال
الجمعة أغسطس 12, 2011 6:39 am من طرف مهى العيونية

» صورة جميلة
الجمعة أغسطس 12, 2011 6:30 am من طرف مهى العيونية

ازرار التصفُّح
 البوابة
 الصفحة الرئيسية
 قائمة الاعضاء
 البيانات الشخصية
 س .و .ج
 ابحـث
منتدى
التبادل الاعلاني
احداث منتدى مجاني

احصائيات
هذا المنتدى يتوفر على 78 عُضو.
آخر عُضو مُسجل هو فوزية فمرحباً به.

أعضاؤنا قدموا 491 مساهمة في هذا المنتدى في 317 موضوع
سحابة الكلمات الدلالية
تعريف مفهوم الغيب
أفضل 10 أعضاء في هذا المنتدى
المدير العام
 
ihssane
 
سمير العوني
 
حمدى السيد
 
satoro_one
 
عاشق العيون
 
محمد الأشجعي
 
مهى العيونية
 
عبدالرحمن مندور
 
h-anafi
 
تصويت
كيف تنظر الى المشاريع المنجزة باحياء العيون ؟
1:توبة المجلس البلدي و النهوض من غيبوبة
20%
 20% [ 1 ]
2:من شطحات الانتخابات و التفكير في المدينة في اخر اللحظات
20%
 20% [ 1 ]
3:البركة في الباقي من الميزانية العام الاخير فيه الخير
60%
 60% [ 3 ]
4:فرصة للمصالحة بين المواطن و البلدية
0%
 0% [ 0 ]
مجموع عدد الأصوات : 5

شاطر | 
 

 حكم و امثلة مغربية3

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
المدير العام
الثانية
الثانية
avatar

عدد الرسائل : 135
السٌّمعَة : 21
نقاط : 41
تاريخ التسجيل : 03/05/2008

مُساهمةموضوع: حكم و امثلة مغربية3   الخميس فبراير 19, 2009 9:49 am

كم من عظيم وراءه إمرأة

وكم من عظيمة أمامها رجل

ilham19/07/2008

لو كان الخوفُ هو الحب

لذاب الإنسان في الغرام

الخوف كالحبِّ يرتعش له القلب

يوقظ عديم الحب من الأحلام

ilham19/07/2008

كل مِنّا له سقفٌ كان صغيرا أم كبيرا يأويه

وسقف الفقير السماء من الحر والبرد لا تحميه

ilham 19/07/2008

كم من حيٍّ قويٍّ فارق العقول في حياتِه

وكم من ميتٍ عاش في العقول بعد مماته

ilham19/07/2008


عارْضُو غِيرْ بالآدابْ بْلاما تْقَمْعُو

فَهّْمُو بالحْلاوَةْ بْلاما عِينِيهْ إيدَمْعُوا








ilham03/04/2008







إلى كانْ الشيطانْ ذكِي أنتْ أذْكى مْنُّو

هو من النَّارْ وِإيعُوم فيها كِيفْ إيغْوِيكْ فَنُّو؟

ilham03/04/2008






إلى شْفْتِي المُنْكَرْ واقْفْ دَفْعُو أُوجْلِيهْ

غِيرْ باللسَّانْ النبي محمد وصَّا عْلِيهْ

ما دَّخْلُو لْدارْكْ وِي تْرْبَّاوْا وْلادْكْ بِيهْ

تْوْلِّي مْراتْكْ تْطْبْخُوا أو هُما ياكْلُوا فِيهْ

ilham03/04/2008


كِيمَا دَرْتِي مع الناس وْحَلْتِي

إلى شْدِّيتِي رْجْلِيكْ إكٌّولُو مالْكْ غْبْرْتِي؟

مْشِيتِي تْزورْهُمْ مْرَّة،مرَّة،راكْ عَيَّقْتِي

تْمْشي لْعَنْدْهُمْ وَحْدْكْ،إيرْدُّوكْ المْرَا طَلَّقْتِي

الدِّيتِيها مْعاكْ،إيكٌّولُوا فْ السْحورْ غْرَقْتي

تْعْشِّيتِي مْعاهُم،جابْتْكْ كْرْشْكْ شْحال عَرَّكّْتِي

كْلِيتِي غيرْ شْوِيَة،بْدْلاتْكْ لْمْرا أُوتْكَبَّرْتِي

كِيما دَرْتِي مع الناس وْحَلْتِي

اللهم نْكٌلْسْ في داري مع مْرْتِي


ilham 13/03/2008


إلى شْفْتِي صاحْبْكْ حاضِي جْنابُو

حْتّى أَنْتَ حْضِي جْنابْكْ

إلى غْفْلْتِي إنْضْغَكْ بْنْيابُو

وخَّا تْكُونْ سادْ عْليكْ بابْكْ


ilham01/02/2007





احْدْرْ عينْكْ أو ماتْحْدْرْ راسْكْ


هزْ بْدِينكْ اللِّي يْغطِّي نْحاسْكْ

الحْشمة سر زينكْ وْالدِينْ ساسكْ

ilham 2008

****

أنا كان شرَّقْ وْنتَ كاتْ غرَّبْ

أنا كان نْبْنِي ونتَ كاتْ خرَّبْ

ilham2008

***

أنا كانغرَّبْ ونتَ كاتْ شرّقْ

أنا كان نقُدْ وأنت كاتْ غرَّقْ

ilham 03/06/2008

***

إلى ماقدَّكْشْ الفيل ها الفيلة شريكتُو

تقَطْعكْ طراف أو الدِّيرْكْ فْ حريرتُو

***

البركاكة قالت

دارتْ الحجابْ غير باش تْغطِّي الشِّيب

هي وجه مايعرفْ حشومة ولا عيبْ

ilham 02/06/2008

***

البركاكة قالت

راس مالها مشى غير ف التكاشْطْ

شارطاها عل الراجل بالعدول فالكاغطْ

***

لا تسال الطبيب اللي يْتْعلمْ من المجرّبْ

سال اللِّي المرض فناه شرّقْ فيه أو غرَّبْ

سال اللي الهم طواه أو ف ساسو خرّبْ

ilham 25/07/2008

***

اللي عضُّو الحنش إي خاف من الحبلْ

الخُوف إي نجِّيك أو عمرك ما تْوْحلْ

***

أنا كانْ بْني أو أنت كاتْ ريَّبْ

كانْ زيَّنْ للعريسْ وْنت كاتْخَيَّبْ

***

أنا للراجل كانْ خيّطْ وْ نزّوّقْ

وْنت ف المْرا كا الطّلّقْ

****
أنا ف العين كانْكحّلّ

ونت بْلْ بُونيا ك الدّخّلْ

***
أنا فْ العين كان حلّقْ

وْنتْ فيها كاتْ زَرّقْ

***

المعنى باينة بلاما تْعْجنها

غير بْ عينكْ قولها وانا نْفْهْمها

****

غير باللسان

شحال من باخرة وصْلات

غير باللسان

شحال من فلوكة غرقاتْ

غير باللسان

شحال من مسكينة التَّحْناتْ

أو شحال من مدلولة نجْحاتْ

اللسان…

إي نجِّي وِ غرّقْ

يْجْمعْ وِ فرّقْ

المسمار إي طرّقْ

اللسان ماضي

فايْق أو جنابُوا حاضي

اللسان ميزان مغشوش

بالخير و الشر مرْشوشْ

إي برّدْ وِ حمِّي السوق

وَيَّاكْ!حلاوْتُو الذُّوقْ

اللسان قالوا زمان ما فيه عظم

إي هرّسْ لك اعظامكْ و سفْ لك الدمْ

تولِّي وسط الألسنة الطويلة اللي ما ترحمْ

***

لأفكاري بنات..

تعبرعن الحياة

لأفكاري بنات..

تبحث عن الذات

***

خرجت دموعي الساكتة من أعماقي

تزرعت ف كتابي بين سطور أوراقي

واللاّت كلام إي عبّر على دخيرة أشواقي

***

كان مسكين تابْتْ أو بْعَقْلُو

غير نَغزوه أو هو يْزْهق لو

***

الكره للمكروه دْوا

كايْ شمُّو بحال لْهْوا

ويّاكْ إيغْويكْ بْالخوا

تولِّي مريضْ أو هو إِيتْنْشْوا

***

شافو حَشُّومِي أو درْويشْ

قال هنا فين نتْربّعْ وْ نْعِيشْ

***

إيوا شاطِي مع راسك شاطِي

اليد تشطح أو لسانك عاطِي

***

منْ عامْ نُوضُو تْرُقْدُو

كنت فايقة مع جْنابِي

فايقة من الكْلبة

أو عايقة

مع الوقتْ…فاقت حياتِي

فيْقاتْ صداع ذاتِي

وْاللاّ سعْدي راقدْ

بحال الجملْ الراقد

خلِّيوْهْ راقدْ…

باشْ قلبي مايْ نوض عليَّ

****

الهاضْرْ فْ النّاسْ كي مْسْمارْ الكِيفْ

يْعَدْبْكْ وخَّا تْقَطْعُو شْتا أو صيفْ

وِلا حْرْقْتِيه يْرْجْعْ لْبْلا صْتُو بْالسِّيفْ


25/02/2008

واخَّا الحَقْ تْمْتامْ عْلِيهْ النُّورْ أو الشَّانْ

البَاطْلْ منْ عَنْدْ الله مَكْرُوه وخَّا فْصِيحْ اللّْسانْ


2006

الضَّحْكة فيكْ أ الجّْمْلْ أ مولْ لْحْدْبَّة

حاسْبْ راسْكْ سَيّْدْ عْليه قُبَّة


23/02/2008

ضْحَكْ الجّْمْلْ عْلى حْدْبَّةْ الجّْمالْ

طَوَّلْ عُنْقُه حْسَبْ راسُو غْزالْ


23/02/2008

واخَّا تْعْيي ماتْخْبَّا

النُّوبَة تْجِيكْ بْلا سْبَّا

تْزْرَعْ الخْلْعة أوتْرْبَّا

تْبْدى فْ اللّوّلْ حْبَّة

أوفْ التَّالي تْرْجْعْ قُبَّة

مايْنَفْعُوكْ فْلُوسْ ولا طْبَّا
تْوَلِّي هازْ الحْمْلْ كي الحْدْبَّا


02/01/2008

اللّْسَانْ أنْواعْ

كايْنْ اللِّي لْسَانُو في راسُو

إقَيَّلْ يْنْطَحْ فْي ناسو

بْالتْخَلْوِيضْ يْطَيَّبْ نْعاسُو

أو بْدَمْهُمْ إعَمَّرْ كاسو

كايْنْ اللِّي لْسانُو فْ اليْدْ أو الرّْجْلْ

إقَيَّلْ فْ حْبابو يْعَكَّلْ وي يْرْكَلْ

بْاليْدْ فْ الأَسْرارْ إزَوَّقْ وِ يْشَكَّلْ

فْ العَلاقاتْ بينْ النَّاسْ يْخَبَّلْ

إعَكَّرْ ليها بالدَّمْ أوبالحْمومْ إكَحَّلْ

أُو كايْنْ الِّلي لْسَانُو فْ قَلْبُو

إعاوْدْ يْبْنِي الدْيُورْ اللِّي خْرْبُو

يْبْكِي وِ يْجْمَعْ الأحْباب اللِّي هَربُو


09/05/2007

وَيَّاكْ تْرْكَبْ على حْصان الزمان

فْ دروبْ العْذابْ يْجْلِيكْ

إسارِيكْ فْ مدن الأيام

أوبْجَنَّة الدنْيا يْغْوِيكْ

إي ذَوْقْكْ من لذَّة الأحْلامْ

أو فْ الواقِعْ القاسِي يْرْمِيكْ

لا تكُون مْعْكٌّازْ تْساين اللي يْدِّيكْ

إنشاء الله توْصل وخَّ مْعَطَّلْ عْلى رْجْلِيكْ

ازْعَم،اخلقْ،ابْدَعْ،شَمَّرْ أوعرِّي على دْرْعيكْ

طْرِيقْكْ طْوِيلة لكن زاهْرة بْصنعة يْدِّيكْ

ماتْكُونْ مَزْرُوبْ ،سيرْ بْاللاَّتِي عْليكْ

ilham 20/10/2007



بازْ كالضَّحَّكْ البْرَّانِي فْ أصْلْكْ أو بْلادْكْ يا البْهِيمة

إلى بْغِيتِي تْزِيدْ تْفَرَّحْهُمْ اركعْ لْهُمْ يامُنْعدِمْ القِيمة

لبْسْ البْرْدْعَة أو مْللِّي تْسالِي التْهرْنِيطْ رَكَّبْ الشْكِيمَة

08/04/2008

كْالُوا سيادنا اللْوالا

الله إينْجِّيكْ من المْشْتاقْ إلى فاقْ

إلهام زادتْ

واخَّا غِيرْ شْوِية دْ النعْمة إلى ذاقْ

إيوْلِّي لْسانُو مْقَصْ إقَطَّعْ بْلا حْلاَّقْ

08/04/2008

عَلْ العينْ حَيَّدْ الصْفِيحة لْحْصانْ جارُو

خْلاّه مْسكينْ يْعْرْجْ،أُورَكْبْها فْ بابْ دارُو

ilham 03/04/2008


مْللِّي جَرُّوا لُو مْزْيانْ لْسانُو أُو فْضَّاوْا

عَرْضُوا عْلى النَّاسْ أوبْ أسرارُو تْغْذَّاوْا


ilham 06/04/2008


كْالُّو احْكِي لي أسرارْكْ نْخَفَّفْ عْلِيكْ من الهَمْ

وْاللاَّتْ أسْرارُو سايْلة فْ الحومة أونازْفَة بالدَّمْ


05/04/2008


واخَّا الوادْ صافِي أوبايْنْ هادي

نْعُومْ أونْجَرَّبْ عادْ نْدْفع أولادِي
06/04/2008

الخْنْزْ حاشاكُمْ إلى طالْ لابُدَّ إِي دَوَّدْ

الكْلامْ الجارْحْ إِيمَّا يْنْفْخْ إيمَّا يْ عَوَّدْ

28/03/2008



إلى مْرَضْتِي تْزَيَّرْ أو ما تْشكِي

تْوَلِّي نُكْتة النَّاسْ بيها تْحْكِي

02/02/2008






كُلْ عْلَّة أُو ليها طْبِيبْها

كُلْ بَزُّولة ليها حْليبْها

وْكُل عينْ ليها حْبِيبْها

05/02/2008



إلا دْواوْ فْ جارْكْ سيرْ لْدارْكْ

نْهارْ تْشُوفُو، عَنْدو تْجْبَرْ اخْبارْكْ



25/01/2008

إلى كانْتْ لمْرا جْميلة الّلي كٌالْتْها مَقْبُولَة

أو لْقبيحة وخَّا تْخَرَّجْ العْسْلْ إيقولو مهْبولة



14/01/2008

إيلا شَفْتِي صاحْبْكْ مْطَوَّلْ عُنْقُو

بَعَّدْ مْنُّو ما تْبُوسُو ما تْعَنّْقُو

النَّاسْ بْنْفْخْتُو تاكُلُّو رْزْقُو

والزّْمان مَنْ عْنْقُو يْشَنْقُو

jkjkjk



كُلَّ أو قْياسو برَكَة ما تْجْمعْ

الّلي عَنْدو ضْراسُو أراما يْنْضَغْ

اللّي ما عْنْدو فاسُو عَلْ الخُبْزة يْخْدعْ

واللّي ضرُّو راسو لله وحْدو يْرْكَعْ

jkhjk



ما خْصْها أُو وَتَاهَا غيرْ التَّكْشِيطة

أوحْناكْها تْمَحّْنو بْضْريبْ الغِيطة

hjkll



إلى رْشَا وْتَادْكْ ما تْلوحُو دوَّرْ بيه الْعْوادْ

نْهارْ تْشْرَفْ أو تْعْيى إتْهَلاّوْ فيكْ الأوْلادْ

الهاضْرْ فْالَّناسْ بْحالْ مْسْمارْ الكِيفْ

******


****

وخّا تْكْويه يْعَذْبْكْ شْتا أو صيفْ

ولا اقْطَعْتِيه يْرْجَع لْبْلاصْتُو بْالسِّيفْ

ilham23/11/2008

jkkl



إلا مْشاتْ عْلى عِينْكْ الضْبابة

ما يْنْفْعَكْ لا ما ولا شَطَّابة

ilham 25/07/2008



إلى الكَلْبْ بْغا يْوَلِّي جْمَلْ،أرْكَبْ عْليه

مْللّي إيتْقالْ عْليه الحْمْلْ،إيتْهَرْسُو رْجْلِيهْ







بَعَّدْ منْ النَّمِيمَة لا تْعَادى

الهضْرة فْ النَّاسْ ما تْقادى

ما تْغْنِيكْ ما تْزِيدْكْ إيفادة

jkjkjl



إلى هْجَرْتِي بْلادْكْ

ماتْرَيَّبْ اوْتادْكْ

راه احْسَنْ من وْسادْكْ

خلِّيه وَرْثْ لْأولادْكْ

jklkll



مايْغَرَّكْ البْحَرْ الهادي ،عْنْداكْ غْدْرْ لْ المَّاجْ

ولا الهْوى الصَّافِي ،يْقْضي عليه العْجاجْ

jjlll



كونْ حُوتَة فْ لْما

طِيرْ فْ السّْما

أو عُكَّازْ لْ العْمى

ilham 2008




الحق اليوم خاصُّوا يْتْصْفَّى فْ غربال


الباطل يْتَّغْرْسْ أو يْتْسْقى بالظُّلم وْالمالْ











شْحالْ هْزِّيتْ بِيكْ وسطْ النَّاسْ حْسابْنِي بْنادْمْ

مللِّي كْلْسْتِي وْنْتَ تْمْسَحْ الْرْجْلِينْ كِ الخادْمْ

ilham 2008

*********

بْلاما نْمْشِي آمِّي للْمدرسة مابْقاتْ قْرايا

ماطَفْرُوهشْ الأوْلِينْ،زَعْما نْطَفْرُو أنايا

عْطِينِي الفْلُوسْ نْشاطِي نخرج من هْنايا

مللِّي نرجع نْدِيرْ لْكْ الأوراقْ أونْدِّيكْ مْعايا

جاوْباتُو أمُّو

خمسة وْخْمُوسْ عْلى ولْدِي آسعدِي وْهنايا

عْنْداكْ تْسْيَّقْ لْبَّاكْ لْخْبارْ لايْصَفِّيها مْعايا

أبّاكْ مامْطَوَّرْشْ بْحالْكْ، ديما يالَطِيفْ حْدايا

مْللِّي تْلْقى لْكْاوْرِييَّا نْوَلِّي بْالطَّالُونْ حتى نَايا

عادْ آولِيدِي نْزَوَّقْ أوتْحْلالِي الشُّوفة فْ المْرايا

03/04/2008

اللَّهُمَّ بُوحْدِي مْتْفاهْمْ مع العذابْ أوراضِي بْهْمِّي
ولا نْتعاشْرْ مع اللي إيحاسْبْنِي وِيْشْربْ دمِّي
ilham 10/04/2008
عارْضْ عْلِيَّ أو خْدَّامْ إيكْولْ بْقى حْثَّى تْتْعْشَّى
فْهْمْتْ أونْضْتْ أو كْلْتْلُو تْعْشِّيتْ خاصْنِي نْتْمْشَّى
ilham11/04/2008
مللِّي عْرْضْ عْلِي وانا دايْرْ الرِّيجِيمْ للْكْريشة
شَبَّعْتْهُم ع بيسْكُوطْ أوآتايْ المحزَّمْ دِيالْ الخْنِيشة
واللِّيتْ صْفَرْ كِ المْخْلُوعْ أوخفيف كِ الريشة
لاَبْغيتْ شوِيَّ دْ اللونْ كَ نْتْلاحْ على خْدودْ مَطِيشة
إلى شافُونِي الناسْ إصَخْفُوا تكْولْ عيشة قنْديشة
وانا مسكين عَ دْرِويشْ أو عندي الكبدة هْشِيشَة
نْهارْ العْراضة مشيتْ أوطَلْقُولِي كاسيطة رْوِيشَة
الخدَّامة لابسة صاية بالسروال أو هي كْدْ المْشيشة
خْدَّامِينْ عْلِيها آجِي يااللَّفْعة الكْرْطِيطَةَ،آجِي ياالهِيشة

تْشْطحْ بالخلعَة أُوتْكْولْ نْعامْ لالا نعامْ سيدِي الدْرِويشة
بْلاما إيشُوفُونِي طْلَقتْ سْراحْ الصَّمْطة عل الطْحِيشَة


الله عْلى دارْ غِيرْ الطبلة فيها ١٠متر أو العْشا تْشِيشة


11/04/2008

مْشِيتْ لْعَنْدُو ناخُذْ الأجْرْ أو نْحْيِي صِلة الرَّحِمْ
صْدَقْتْ فْ حْياتِي ذْخْلْتْ بْرْجْلي للعذاب والجحيمْ

ilham07/04/2008



آشْدَّاكْ تاخُذْها صغِيرة بنت الزَّازْ

وْنْتَ مْحْنِي تابْعْها تْقَفْقفْ بالعُكَّازْ

08/04/2008


بْغانِي نْقَصَّرْ مْعاهْ أو طْبَلْتُو خاوِيَة

الورْدة بْلا ماء تْسْخْفْ أو تْوْلِّي لاوِيَة

ilham 11/04/2008



شْحالْ وانا جالس معاه أوبْدِيتْ الجوع نْتْحْدَّي

مْشِيتْ لْدارِي كْليتْ أوحْطِّيتْ راسِي عل المْخْدَّة

جا لْعَنْدِي كايْلُومنِي كْالْكْ علاشْ ماكْلْستشْ نْتْغْدَّى

حاسبْ راسو مْطَوَّرْ أُوسْخِي أوهوَ عل الكرم يْتْعْدَّى

جاوبْتُوعْلى صْوابُو أو ماكْرَهتْشْ نْشَيَّرْ عْلِيهْ بالمْقْدَّة

09/04/2008

بْلامَا تْعَدَّبْ راسْكْ الهضْرَة فِيكْ فِيكْ

واخَّا تْكْسِيهُمْ أو تْعَمَّرْ لْهُمْ الشِّيكْ

08/04/2008

الصَّمتْ حْكْمة ولكن بْألف تَخْمِيمة

مْللِّي تْهْضَرْ يْهْزَّكْ الوقارْ وْالقِيمة

الكلامْ بْقْفالْتُو مَاتْمَلْسُوشْ بالسِّيمة

ناقْشْ و ضْحَكْ ماشي الصمت ديما

إيوْلِّي كلامكْ بْحالْ رْكايْزْ الخِيمة

03/04/2008



كْالُوا سْيادْنا اللْوالى الصمتْ حْكْمة

إلهام زادتْ

الهضرة أحسن إلى مالحة وْبالحْشمة

كا تْوْنَّسْ أو الدَّاوِي ماشِي بْحالْ البَكْمَة

03/04/2008



السكاتْ صْمْكْ كِ الخُبْزة الفْطِيرة

والهضْرة خبزة بالملحة وْالخْميرة

السكاتْ زِينْ ولكن مرة مرة هْضِيرة





03/04/2008


سوسْ الهضْرة مْزْيانْ من الغْبْرة عادْ خَرَّجْها

إلى مشِيتِي عْثْرْتِي فْ وْسْخْها راكْ تْعَرَّجْها


03/04/2008





إلى ماعْنْدْكْ ماتْقُولْ إِوا السكاتْ أحْسنْ

الكلامْ المَوْزُونْ أو لْمْلَحنْ مُوسِيقى لْوْدْنْ

إيرَيّْحْ الخاطْرْ وِغَدِّيها أوالرُّوحْ يْفْتْنْ

بَعَّدْ من القَصْرِيَّة إلى ماتْعْرَفْشْ تَعْجْنْ

03/04/2008


جاتْ تْزُورْها وْ تْقَيَّلْ مْعاها

رْدَّاتْها من البابْ باشْ تْشاطِي مْعاها

إلهام 28/03/2008




دْلاَّ البُّورْطابْلْ فْ البِيرْ كَيْقَلَّبْ عَلْ الرِّيزُو

إلهام28/03/2008




إلى بْغِيتِي وْلْدْكْ يْسْمْعْ لْكْ

شاطِي مْعاهْ

إلهام 23/03/2008


كْالُّو غَنْبْقَى نْشاطِي حْثَّى نْخْرْجْ لْ بْرَّا

صْدْقْ بَّاه لاحْ مُّو بْرَّا أو جابْ الضَّرَّا

29/03/2008 إلهام

سِيرْ آوْلِيدِي تْعَلَّمْ تْشاطِي بْحالْ أختْكْ أوخُوكْ

واللاَّ تْبْقَى كامْبُو بارْكْ حْدايا كِ الحْمارْ تاعْ بُوكْ

29/03/2008إلهام





رجل المستقبل

سِيرْ واخَّا شارْفَة تْدِّيكْ من هْنا وْالطِّيرْ

سِيرْ حْثَّى أنتَ شْدْ الصَّفْ فْ السِّيبِيرْ

أو تْجِينِي بْشِي طوموبِيل أو كْسوة حْريرْ

تْسَكَّنِّي فْ شِي مُلاتِي الدَّارْ وْ نْتْهْنَّى من القَزْدِيرْ

أومالِي يامِّي حْتَّى نْوْلِّي عُكَّازْ للْشَّارْفَة وانا صْغِيرْ

نْقْرَا وْاللاَّ نْدِيرْ صَنْعَة فْ بْلادِي وْالله يْجِيبْ التِّيسيرْ

أو نْتْزَوَّجْ مع شابَّة بنت بلادِي فْ الهنا وْ الخِيرْ

اللِّي باغِي يْوَلِّي عُكَّازْ للْشَّارْفَةيْرْمِي نْفْسُو فْ بِيرْ

25/03/2008إلهام

النَّاسْ دَبْرُوا أو خْرْجُوا الخارِجْ ع من السِّيبِيرْ

انْتَ مْنْ الحَرْثْ للْحصادْ حْياتْكْ مْدَوْزْها مع لحْميرْ

21/03/2008إلهام

مْشاوْا عندْ مُولْ العقل

كْالْهُم الطْلاقْ هو الحلْ

16/03/2008إلهام




عَيْطُو لْمُولْ العقلْ إي فُكْهَا

جابْ لْهْرَاوَا أو دْكْها

13/03/2008إلهام

قْبْلْ ما تاكُلْ الهْنْدِيَّة مْنْ شُوكْها فُكْها

مْنْ بْعْدْ ما تْلَدَّدْتِيها تْوْلِّي ذاتْكْ تْحُكْها

غْسْلْها بْعْدا بْ الْما،وْ الشُّوكْ قْطَعْ شْكْها

15/03/2008إلهام

كُلَّ نْهارْ رْضَعْ غِيرْ شْوِيَّ من بْزُّولة الزمانْ

حْلِيبْ الرْضاعة يْتْقادى وْ تْوْلِّي تالْفْ جِيعانْ


26/03/2008إلهام






باب دارْها بالنْقَى كاتْشْعْلْ

وْالدَّاخلْ الملائكَة فيها تْنْعَلْ

14/04/2008إلهام

الجزَّارْ مسكين يْقَيَّلْ فْ اللحم إيفصَّل وِيْنْحَتْ

أوعْشاه مع وْلادو جليداتْ غالب عليهم اللفت


14/04/2008إلهام


شْحالْ هذي ماكْلِينا اللحمْ،خاصْنا نْعَرْضُوا على فْلانْ
غايْجيبْها في يْدُّو،عْلى ضَهْرو نْشْبْعوا قْضْبانْ


14/04/2008إلهام

عْطا فيها جُوجْ جوجْ من الحاجة

مْللِّي فْضَّى العرس أو دازْتْ الفْراجَة

وْاللاَّتْ تْنْفُخْ أو تْسوطْ فيه كِ العْجاجَة
أو هو يْنْتْفْ وِي إيرَيَّشْ فيها كِ الدجاجة

15 Réponses à “حكم وأمثال إلهام
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://laioun.7olm.org
nawal
زائر



مُساهمةموضوع: رد: حكم و امثلة مغربية3   الجمعة مارس 27, 2009 7:03 am

salam
tbarek llah 3lik
7ikam o amtal khasha te7fad

bghit ne3raf
wach 7ikam 9adima aw d al katiba hiya ilham

7it isemha 3la kol 7ikma?

ila kanet hiya lli katba ...llah i7fadha lina

w nti a khti llah ikattar men amtalek

chokrane sunny
الرجوع الى أعلى الصفحة اذهب الى الأسفل
المدير العام
الثانية
الثانية
avatar

عدد الرسائل : 135
السٌّمعَة : 21
نقاط : 41
تاريخ التسجيل : 03/05/2008

مُساهمةموضوع: شكرا اختي   الجمعة مارس 27, 2009 8:29 am

شكرا اختي على هذه الكلمات الجميلة نعم كاتبة هذه الامثال و الحكم هي الهام لها مدونة تتخصصها لنشر ابداعاتها و قد نالت اعجابي كما تلاحظين تنتقذ العديد من الظواهر المشينة التي تعرفها مجتماعتنا و يشرفنا كثيرا اذا كانت لديك ابداعات ادبية ان تشاركيها زوار منتدى العيون الشرقية


منتدى العيون يهدي لك هذه الورود من نواحي العيون الشرقية
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://laioun.7olm.org
 
حكم و امثلة مغربية3
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى العيون الشرقية :: الشعر و القصة-
انتقل الى: