منتدى العيون الشرقية
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى العيون الشرقية

منتدى العيون الشرقية المغرب يهدف الى التنمية المحلية بكل تجلياتها الفكرية و الاقتصادية و الاخلاقية و الدينية و التقنية ....
 
الرئيسيةأحدث الصورالتسجيلدخول
بحـث
 
 

نتائج البحث
 
Rechercher بحث متقدم
المواضيع الأخيرة
» مجموعة بوشطاط
في الحب و الغرام I_icon_minitimeالسبت مايو 16, 2020 5:35 pm من طرف سمير العوني

»  للمسة الأخيرة
في الحب و الغرام I_icon_minitimeالأربعاء أبريل 16, 2014 12:08 am من طرف سمير العوني

» السلام عليكم ورحمة الله وبركاته
في الحب و الغرام I_icon_minitimeالثلاثاء أبريل 15, 2014 3:56 pm من طرف سمير العوني

»  ساعة العشق الكبير إنتهت ..
في الحب و الغرام I_icon_minitimeالثلاثاء أبريل 15, 2014 3:50 pm من طرف سمير العوني

» معلومات رآآئعة و مفيدة
في الحب و الغرام I_icon_minitimeالأربعاء أبريل 10, 2013 2:41 pm من طرف al janna amali

» نوافل المقربين
في الحب و الغرام I_icon_minitimeالجمعة مايو 18, 2012 2:49 am من طرف حمدى السيد

» كيف يحبك الله
في الحب و الغرام I_icon_minitimeالخميس أبريل 12, 2012 5:21 am من طرف حمدى السيد

» مواقع التوظيف
في الحب و الغرام I_icon_minitimeالأربعاء أغسطس 24, 2011 4:29 am من طرف المدير العام

» مواقع ترفيهية وتعليمية للاطفال
في الحب و الغرام I_icon_minitimeالجمعة أغسطس 12, 2011 6:39 am من طرف مهى العيونية

ازرار التصفُّح
 البوابة
 الصفحة الرئيسية
 قائمة الاعضاء
 البيانات الشخصية
 س .و .ج
 ابحـث
منتدى
التبادل الاعلاني
احداث منتدى مجاني

احصائيات
هذا المنتدى يتوفر على 79 عُضو.
آخر عُضو مُسجل هو mouadilizakaria فمرحباً به.

أعضاؤنا قدموا 492 مساهمة في هذا المنتدى في 318 موضوع
سحابة الكلمات الدلالية
مفهوم الغلاف التعقيب الانترنت تعريف الغيب الجوي المواد
أفضل 10 أعضاء في هذا المنتدى
المدير العام
في الحب و الغرام I_vote_rcapفي الحب و الغرام I_voting_barفي الحب و الغرام I_vote_lcap 
ihssane
في الحب و الغرام I_vote_rcapفي الحب و الغرام I_voting_barفي الحب و الغرام I_vote_lcap 
سمير العوني
في الحب و الغرام I_vote_rcapفي الحب و الغرام I_voting_barفي الحب و الغرام I_vote_lcap 
حمدى السيد
في الحب و الغرام I_vote_rcapفي الحب و الغرام I_voting_barفي الحب و الغرام I_vote_lcap 
satoro_one
في الحب و الغرام I_vote_rcapفي الحب و الغرام I_voting_barفي الحب و الغرام I_vote_lcap 
عاشق العيون
في الحب و الغرام I_vote_rcapفي الحب و الغرام I_voting_barفي الحب و الغرام I_vote_lcap 
محمد الأشجعي
في الحب و الغرام I_vote_rcapفي الحب و الغرام I_voting_barفي الحب و الغرام I_vote_lcap 
مهى العيونية
في الحب و الغرام I_vote_rcapفي الحب و الغرام I_voting_barفي الحب و الغرام I_vote_lcap 
عبدالرحمن مندور
في الحب و الغرام I_vote_rcapفي الحب و الغرام I_voting_barفي الحب و الغرام I_vote_lcap 
h-anafi
في الحب و الغرام I_vote_rcapفي الحب و الغرام I_voting_barفي الحب و الغرام I_vote_lcap 
تصويت
كيف تنظر الى المشاريع المنجزة باحياء العيون ؟
1:توبة المجلس البلدي و النهوض من غيبوبة
في الحب و الغرام I_vote_rcap20%في الحب و الغرام I_vote_lcap
 20% [ 1 ]
2:من شطحات الانتخابات و التفكير في المدينة في اخر اللحظات
في الحب و الغرام I_vote_rcap20%في الحب و الغرام I_vote_lcap
 20% [ 1 ]
3:البركة في الباقي من الميزانية العام الاخير فيه الخير
في الحب و الغرام I_vote_rcap60%في الحب و الغرام I_vote_lcap
 60% [ 3 ]
4:فرصة للمصالحة بين المواطن و البلدية
في الحب و الغرام I_vote_rcap0%في الحب و الغرام I_vote_lcap
 0% [ 0 ]
مجموع عدد الأصوات : 5

 

 في الحب و الغرام

اذهب الى الأسفل 
كاتب الموضوعرسالة
المدير العام
الثانية
الثانية
المدير العام


عدد الرسائل : 135
السٌّمعَة : 21
نقاط : 41
تاريخ التسجيل : 03/05/2008

في الحب و الغرام Empty
مُساهمةموضوع: في الحب و الغرام   في الحب و الغرام I_icon_minitimeالخميس فبراير 19, 2009 10:17 am

قصة نهادْ أو عِمادْ

***


يا عُشَّاقْ….يا أهلْ هذْ البْلادْ

جِيتْ نَحْكِي لكُمْ قصة الغزالة نُهادْ


اللِّي حْبَّاتْ حُبْ بْجْنُونْ حْبيبْها عِمادْ

من أجْلُو تْحرماتْ من الزواجْ والأولادْ

كانتْ تْبكِي ليلْ وْ نهارْ حثى فاضْ الوادْ



تالفة مسكِينة تْردَّدْ شعر حبيبها عِمادْ

شِعْر تْقُولو وْ تْغَنِّيه اللي كان هو الزَّادْ


بفظْلْ دمُوعها عمْ الخير ف البلاد


واللاَّتْ تايْهة من حومة لْ حومة

تبكي حبيبها بلا عيبْ ولا حشومة

بْصوتْ عالي تْرَدَّدْ أشْعارُوا المردومة

اللي رجْمُوه بحال الشيطان

رجموا عماد العاشق الولهان

نْفاجْرْتْ بالحزن علِيه انْفِجارْ البركان

ذَنْبُو أَنُّو كانْ يْ قُولْ شعر فْ نُهادْ

كان إي قُولو قُدَّام كل العباد


ماتْتْ أحْلامها أوآمالْها بْمُوتْ حْبِيبْها


بْكثرة بْكاها عْلِيه طْفا نورْ عِينْها

مللِّي تْعْطْشْ كانْتْ تْشْرْبْ دمُوعْها


الدموعْ كانتْ تَسْقِيها أو تخفَّفْ جوعْها

حتى وْاللاَّ المرضْ إنَشَّشْ ظلوعْها


بقاتْ عْلى هذْ الحالْ حتَّى غابْ طْلُوعْها



قصْتْنا بْقاتْ عْلى جنْبْ الوادْ

واللاَّتْ شجرة إي زُروها الجْوادْ

شجرة أغصانها سوالف الجميلة نهاد




شجرة العاكْرة اللِّي تْتْرْجَّى الأوْلادْ

شجرة الحب واللي يْتْمْنَّى إينالْ المُرادْ

شجرة الحبيبة والحبيب عماد أو نهاد





إلهام15/04/2008






***

ليلى يا ثوْأمْ روحْ قيْسْ

****


…ليلى…ليلى…ليلى…ليلى…


ياشجْرة عالْية بْ اغْصانْ مايْلة

اغْصانْ تْتْراقْصْ كِ دْمُوعْكْ السَّايلة

دْمُوعْ عْسْلْها حُرَّة…صافية..حايْلَة

ياهْوا رُوحِي وْ دْوا جْرُوحي الطَّايْلة

فِينكْ يالَيْلى..يانَسْمة على وجْه حْزينْ

يابسمة غالية بْصمتْ هادي وْحْنِينْ

بَسْمة تْحْفَرْ خَدّْكْ يالَيْلى..بْحُفْرة الزِّينْ

يارِيتْ نْسْكُنْ فِيها أو نْمسحْ لك دموع العينْ



يامالْكة روحي وْ قلْبي…ياليلى..ليلى

يالَمْسة…همسة…نغْمة وْ عْذوبة هْوايا

قَلْبي بِينْ قُضبانْ الظلوعْ عَطْشانْ يا مايَا

يْحْلْمْ بِيكْ ياليلى…وِ يْتْقَطَّعْ وَسْطْ جْوايا



…ليلى…ليلى…ليلى…ليلى…

ياشجْرة عالْية بْ اغْصانْ مايْلة

فِينْ ظِلّكْ اللِّي كانْ حامينِي من الزّمانْ

اللِّي كانْ إيبَرَّدْ نارْ قلبي العاشقْ الولْهانْ

تحثْ اغْصانْكْ يارُوحِي..كُنتْ في أمانْ



نْقَشْتْ إسْمْكْ يالَيْلى بْ عْروقِي فْ الوجدان

ثَمْرْكْ…ثَغْرْكْ…ثَغْركْ…ثمرْكْ… ياأحلى ثَمْرْ

الحروفْ تخْرْجْ مْسلْسْلة…مْلحْنة من أجمل ثْغْرْ

العيونْ سبحان الخالقْ…شاعْلة أوْ زانْدة بْحالْ الجَمْرْ


حرمُونِي من ليلى…بْنتْ عمِّي

حرْمُونِي من هوا نفسي أو دَمِّي

حرمُونِي من اللِّي كانتْ تْمسحْ همِّي

…ليلى…ليلى…ليلى…ليلى…يا حُرِية

ياشجرة تْحْرْقاتْ فْ صَحْرا ذاتِي المَجْلِية

يا اغصانْ رْشاتْ عْلى رمالْ روحي المنْسية

…ليلى…ليلى…ليلى…ليلى…يا حُرِية



ماتْ قيسْ يْبْكِي ليلى أو بْقاتْ أشْعاروا الرومانْسِيَّة





****





قلبِي كايْ شُوفكْ ديما ماشي بحال عينِي

يوم تغيبْ علِيّ..نبْقى مغَمضة عِينِي

خايفة يعْمى قلبِي ما خايفة على عيني



ilham 04/01/2009

**



دابْ بحر قلبِي وْ تْبخّرْ

لْ سما عينِي يحكِي مأثّرْ

حزنتْ عليه وْبداتْ تمطرْ

ilham 04/01/2009


***




****

الحب أصلو حلاوة

شحال من زوج حطم الحب االلي بينو أو بين مراتو

تتمنّاه إموتْ أو هو حاسبها تخاف عليه وعلى حياتو

يْدْفلْ،يضرب،يشتم،هي ديالو حيت ف الكاغط مراتو

هي تنقِّي،تْغدِّي،تربِّي ولادها أو صابرة على غواتو

الحب أصلو حلاوة أو طيبوبة يتربع ف القلب بْ صَفْعاتُو

الحب يتسنط للمحبْ ب وجدانو،بروحو ماشي لْ شهواتُو

إ ولِّي القلب يعزف للوجدان،طاير ف عالم الحب بْ لُغاتُو

15/06/2008







الحب الممنوع

**

دق الحب باب يامنة

سمعات للدقات

أو ما فتحت الباب

حب خوّفْ يامنة

حب ممنوع على يامنة

حب محرم على يامنة

سمعات للدقات

نظراتها تخطفات

إرتجفات

عرقات..


قالت لا…لا

أنا يامنة

مرت الراجل

أنا أم

أنا شجرة ولادي

خاصني نبقى واقفة

لظلم راجلي

لحكرة راجلي

لعنف راجلي

لعبودية الخوف من راجلي

أنا الشجرة لولادي

أنا الظل اللي يْحْميهم

من ظلم الأيام

بحال ظلم البّاهم ليَّ

من حكرة الزمان

اللي حكْرني

أو لاحني فْ يد حكّار

من قهرة الزمان

اللي خلاّني نكره الدنيا

نكره بُو ولادِي

اللي داس على كرامتي

اللي حكم عليّ بالسكات

مان عارضو

مان جاوبو

عندي الحق ف كلمة

نعام…

واخّا…

هي اللّولة…

ما يكون غير خاطرك

أنا شجرة ولادي

خاصني نبقى واقفة

لأولادي…للكبدة

آه…آه…عل الكبدة

رجع دق الحب باب قلب يامنة

ما فتحات

بكات…بكاتْ

أو فالحب غرقات

أنا يامنة مرت الراجل

اللي خطف حبي ليه بعروقو

أو عمر قلبي بالكره

لا

أنا يامنة

الممنوعة للحب

أنا يامنة اللي ماتعرفش تحب

أنا

مرت الراجل

أنا

بنت الآصل

حرام نحب

لا…لا

توقّفْ ياقلبي

رجع لدقّاتك

رجع لصوابك

فكر غير ف ولادك

واللى الحب يدق

وِدق…دق

وْ تصدُّو يامنة

الممنوعة للحب

17/05/2008



****



أميرة الدموع

قلبي ياناس بالغرام َموْلُوع

ماهو مْكْري للنْزاهَة ولامَبْيُوع

يْتْقَطَّعْ مسكين فْ حبْسْ الضلوع

بابوُ كُلُّو قُضْبان أوممنوع

بالغرامْ فْ السما ياناس مَرْفُوع

ماغْرَّاتُو شمس ولاشموع

تْبْعاتُو العينْ بْحْبالْ الدْموع



علْ الحْبيب تْسايْنْ الرْجُوع

طَلْعَتْ فيها اليَدْ في خُشُوع

لْعَنْدْ العَيْنْ أميرة الدموع

اليَدْ تَقْطَعْ وْتْزِيدْ فْ الحْبال

العَيْن زادْتْ فْ البْكا أولْهْبَال

وْاللاَّوْا الخْدود حالْهُم حال

عْليهُم شْلاَّلاَتْ كِ الجْبال




boussafa charifa ilham 28/02/2006


إلهام شريفة بُصَفا

***



***



جيتْكْ تْشارْكِينِي حْياتِي

جيتْكْ تْشارْكِينِي حْياتِي..راني قَصْدِي شْرِيفْ

جِيتْكْ طالْبْ راغْبْ…بْخاطْرْكْ ماشِي بْالسِّيفْ

لاَتْسْدِّي عْلِيَّ بابْكْ وْالنْبِي ْوصَّا عل الضِّيفْ

نْهْدِيكْ قَلْبِي الغَنِيْ اللِّي يْ ضَلْ يْقاوْمْ الخْريفْ

قلبي اللي يْهْواكْ فِيهْ فصل الشْتا أوفصل الصيفْ

سامْحِينِي يا العزيزة عْلى الجِّيبْ الرَّاشِي الضْعِيفْ

جيتْكْ تْشارْكِينِي حْياتِي..وْالله قَصْدِي شْرِيفْ

جِيتْكْ طالْبْ راغْبْ…بْخاطْرْكْ ماشِي بْالسِّيفْ

فْتْحِي قَلْبْكْ أو سَكْنِي قَلْبِي المولوعْ الرْهِيفْ

سامْحِينِي يالْحْبِيبَة …هذا جْهْدِي وْعْلاشْ قْدِّيتْ

سْبْحْتْ فْ المَّاجْ الزمانْ…وْعلى امِّي ضَحِّيتْ

شْحالْ مْنْ مْرَّة غْرْقْتْ وْ عْلى الخُّوتِي ماتْخَلِّيتْ

جِيتْكْ بَعْدْ ماكَبْرُوا أُو الواجبْ اللِّي عْلِيَّ أَدِّيتْ

جِيتْكْ تْرَحْمِينِي أُو تَهْدِيلِي قَلْبْكْ اللِّي حَبِّيتْ

اللي طُولْ السنين وانا فْ العذابْ وْعْلِيه ماتْخَلِّيتْ

boussafa charifa ilham26/04/2008








5 Réponses à “الحب
الرجوع الى أعلى الصفحة اذهب الى الأسفل
https://laioun.7olm.org
farid
زائر




في الحب و الغرام Empty
مُساهمةموضوع: رد: في الحب و الغرام   في الحب و الغرام I_icon_minitimeالجمعة مارس 27, 2009 6:56 am

tbarek llah 3lik

9rit o 3awedt

machbe3tch
had chi raw3a affraid
الرجوع الى أعلى الصفحة اذهب الى الأسفل
 
في الحب و الغرام
الرجوع الى أعلى الصفحة 
صفحة 1 من اصل 1
 مواضيع مماثلة
-
» معنى الحب عند رسول الله (ص)
» معنى الحب عند رسول الله

صلاحيات هذا المنتدى:لاتستطيع الرد على المواضيع في هذا المنتدى
منتدى العيون الشرقية :: الشعر و القصة-
انتقل الى: