شهيوات العيد

التقلية بالعلاوة



المقادير وطريقة التحضير:

العلاوة او دوارة الخروف تغسل بماء مغلي
وتجرش بسكين لإزالة الشوائب العالقة بها ثم تقطع لقطع صغيرة

كأس صغير من الزيت
رأس كامل من الثوم يدق فالمهراز مع القسبر والملح
ملعقة صغيرة كمون
ملعقة صغيرة تحميرة
السودانية او الهريسة
زيتون أحمر
قليل من الماء للمرق

نضع المكونات مع بعضها ونخليو العلاوة تطيب تقريبا ساعة إلا ربع.
وملي تبقى 10 دقايق ونطفيو عليها نضيف الزيتون.
بولفاف



المكونات والمقادير:

قطع الكبدة والقلب
يبزار
كمون
ملح
بصلة مقطعة
قسبر ومعدنوس
تحميرة
شحمة الدوارة مقطعة لمربعات

نتبل قطع الكبدة والقلب بالعطرية ..نلف كل قطعة في مربع من الشحمة
ثم ندخله في الأسياخ أي القطبان وتشوى فالمجمر
المروزية بالبصل *الطريقة الاولى *



المقادير:

كيلو ونصف قطع لحم بدون عظم
ملح
يبزار
عود قرفة
حفنة زبيب معسلة بوحديتا مع قليل من السكر
2بصلات مشلضين
عودين من القرنفل
شوية راس الحانوت
الكوزة
الزعفران
قليل من الورد اليابس
ملعقة صغيرة سمن
3 إلى 4ملاعق كبيرة عسل
زيت المائدة
لوز محمر للتزيين.

الطريقة:

في إناء نعملو البصل مقطع مع العطرية كلها ونرقدو فيها قطع اللحم نصف ساعة..
من بعد نعملوه فطنجرة ونضيفو عود القرفة والورد والقرنفل وقليل من الماء
ونخليو اللحم يطيب على عافية منقوصة على خاطرو ...
وقبل مانطفيو عليه نضيفو العسل والزبيب المعسل
ونخليوهم شوية على العافية حتى يشرب اللحم النكهة ديالم.
وعند التقديم نزين الطبق باللوز محمر.

المروزية بالثوم * الطريقة الثانية *

المقادير:

كيلو ونصف لحم غنمي بدون عظم
4 فصوص ثوم
يبزار
ملح
زعفران
شوية راس الحانوت
زيت زيتون
سكنجبير
شحمة كلية الخروف مطحونة* ممكن الإستغناء عنها*
عود قرفة
ماء


الطريقة:

في طنجرة نعملو قطع اللحم مع الشحم والثوم والعطرية نشحروهم مع بعضم شوية
ثم نضيفو الماء ونخليو اللحم يطيب..
من بعد نزيدو لو الزبيب ونخليوه حتى نحسو بيه طاب عاد نعملو العسل أو السكر
*4 ملاعق كبيرة سكر لكل كيلو ونصف لحم*..
ملي يشرب اللحم نكهة العسل يصبح جاهزا للتقديم مع حبات اللوز او المشمش معسل
حسب ذوق كل واحد
طبق * الكردة*

أي لحم السولوميو بالبيض



المقادير:

لحم السولوميو *لحم السنسول* مقطع صغير
معدنوس مقطع
ثوم مفروم
بصلةمشلصة
يبزار
كمون
تحميرة
ملح
كاس دالزيت مخلط بين الرومية والبلدية
البيض حسب عدد الأشخاص


الطريقة:

في طنجرة او طاجين نشحرو البصلة مع الزيت حتى تذبل
وفي زلافة نعملو قطع اللحم الصغيرة مع العطرية ...
نخلطوهم مزيان عاد نعملوهم فالطاجين يطيبو مع شوية دالما...
وعلى عافية منقوصة..
وملي يطيب اللحم *لحم السولوميو فتي وكيطيب بسرعة*...
نضيف البيض ونغطيو عليه حتى هو حتى يطيب.

التقلية بالكبدة


المقادير:


الكبدة ناخدوها كيف ماهي ونشويوها فالمجمر *نصف طيبة*
ثم نقطعها قطعا صغيرة.

كاس من الزيت
القسبر والثوم مدقوقين مع الملح فالمهراز
ملعقة صغيرة كمون
التحميرة
كاس *عنبة* من الماء
عصير الليمون الحامض

الطريقة:


نعملو كل هاد المكونات مع بعضها ونخليوها تطيب على عافية منقوصة
وقبل التقديم نضيف لها عصير الحامض اللي كيضيف للكبدة مذاق جد لذيذ.

اللحم الغنمي محمر بالسمن وعلى المجمر

المقادير:

اللحم الغنمي
الثوم مدقوق
زعفران حر
زعفران عادي
تحميرة
كمون
السمن
الملح
زيت المائدة
الماء الكافي لنضج اللحم

الطريقة:


نشرملو اللحم بالسمن والعطرية ونعملوه فطنجير كبير على المجمر
ونخليوه يطيب حتى يوقف فالزيت.
وعند التقديم نزينه بالكمون.