أمِّي الحبيبة

حروف الزين

ماغابْ لا زينْ لا حْرُوفُوا

زادْ الزَّينْ أُو ضْواوْا حْرُفُوا

طيَّاتْ وجْهَكْ تاريخْ طوِيلْ

كُلْ صفْحَة تَضْحِيَّة أُو مَواوِيلْ

تعْطِي العِبْرة لْ هذْ الجِيلْ

شَعْرَكْ الأبْيَضْ قَمَرْ أُو نْجُومْ الّليلْ

بْنْهارْ خْيُوطْ الشّمْسْ شارْقْ وْجْميلْ

باقِي الزِّينْ أُو ضْواوْا حْرُوفوا

عْليه الأوْلادْ أُو الأحْفادْ يْطُوفُوا

هذا الزجل لْ ماما..المِّيمْتِي..أمِّي..أجمل إمراة على وجه الأرض


أو لْكلْ المِّيمة يارب تحفظهمْ

الله يسمحْ لينا من حقْ الوالدِين

الله إيحفظك آ المِيمة


بينْ الميمْ وْ الميمْ نعّسْتْ اليا مبْسُوطة

أو ختمتها بخاتم التّا مربُوطة

واللاّت الْمِّيمة محطُوطة منْسوطة

المِيم اللّوْلة درتْ تحتها فتحة كِ المخدّة

وْ على راسْها تاجْ مرصّعْ حب بالشّدّة

كلمة المِّيمة تريّحْنِي وْ روحِي بيها تتغدّى

طول العمر لْ المِّيمتِي زينتْ الضحكة وْ الشّدّة


الشدّة الأخيرة أقصد بها شدة الرأس..لبسة الزِّيفْ.. الدَّرّة..غطاء الرأس

ilham 8/01/2009