أمي الغالية آاااااه ثم آاااااااه

يا ماما…يا ماما

آحْ يا الحبيبة ماما

نْقَيَّلْ النِّينْ..

نْصدَّعْ للناسْ الوَدْنِينْ

وْنعدَّبْ القلب الحزينْ

آحْ آ ماما ياقرة العِينْ

ماتْدِّيشْ عْلِيَّ

ماتْلُومِنيشْ

دْعِ معايا

رْضِ عْلِيَّ

عَنْقِينِي

راري بِيَّ

عْطِينِي رْكُبْتْكْ نْتْوْسَّدْها

نْتْوَسَّدْ جنة رْجْليكْ

نْلْحسْ ثرابْ رجْلِيكْ

نشمْ ريحة الجنة


اللي تحت اقْدامْكْ

شوفِي فِيَّ يا ماما

يا آحلى إسمْ

شوفِي فِيَّ

باش الله إي حن علِيَّ

مسحِي دموعِي

باشْ الله يْمسحْ دنوبِي

ماتْدِّيشْ عْلِيَّ

رانِي تْغْلْبْتْ

أو طاحو كْتافِي

وْاللِّيتْ نْعَدِّي معَ الوقتْ

نْتَلَّفْ فْ الوقْتْ

نْدَوَّزْ فْ الوقْتْ

نْدَّابْزْ معَ الوقْتْ

حْتى يْ تْقادى الوقتْ

يا الغانِية عن التعْبيرْ

يا شجْرة الحب أو الخير

يا منبعْ الذهب أو الحرير

واخّا نعْيى ما نْدِيرْ

خِيرْكْ ياأُمِّي عْلِيَّ كْثِير

كلامك زين ماكاين خوه

قَلبْكْ حْنين نوَّرْ الوْجُوه

يامفْتاحْ الجْنَّة

بيكْ القَلْبْ يْتْغَنَّى

أو بينْ إ الدِّيكْ نْتْهَنَّى

أُمِّي ياأجْمل رنَّة

الصَّحة أوطُول العْمر

هذا كُل ما نْتْمْنَّى