المدير العام الثانية
عدد الرسائل : 135 السٌّمعَة : 21 نقاط : 41 تاريخ التسجيل : 03/05/2008
| موضوع: تابع للزجل الجمبل للاستاذة الهام الخميس فبراير 19, 2009 8:13 am | |
| رجل المستقبل
سِيرْ واخَّا شارْفَة تْدِّيكْ من هْنا وْالطِّيرْ
سِيرْ حْثَّى أنتَ شْدْ الصَّفْ فْ السِّيبِيرْ
أو تْجِينِي بْشِي طوموبِيل أو كْسوة حْريرْ
تْسَكَّنِّي فْ شِي مُلاتِي الدَّارْ وْ نْتْهْنَّى من القَزْدِيرْ
*****
أو مالِي يامِّي حْتَّى نْوْلِّي عُكَّازْ للْشَّارْفَة وانا صْغِيرْ
نْقْرَا وْاللاَّ نْدِيرْ صَنْعَة فْ بْلادِي وْ الله يْجِيبْ التِّيسيرْ
أو نْتْزَوَّجْ مع شابَّة بنت بلادِي فْ الهنا وْ الخِيرْ
اللِّي باغِي يْوَلِّي عُكَّازْ للْشَّارْفَةيْرْمِي نْفْسُو فْ بِيرْ
25/03/2008إلهام
***
التبرْكِيكْ الصحيحْ
***
وِيلِي ويلي على دْلّة أو شُوها،لباسْها مْعرْبْنْ ماعندْهاش الدُّوقْ
كاتْلْبْسْ حوايْجْ ديالْ الجُّوطِيّة،الله يْحفْظْ راجْلْها فْ المال مخنوقْ
شحال خايبة،لا سْرْ لا ملح أو زايْداها بالنفخة الخاوية من الفوق
أنا بْعْدا كاعْما كانْ حاشيهْ لِها،ما نْ دوِّيها ولا نعمَّرْ معاها السوق
راجْلْها الطولة،الزين وْالفلوس،مسكين طاح على راسو من الفوق
كون خْداني،أنا اللي نعرف ليه، نْولِّيوْا بحال الطَّاجينْ بالجلبانة والقوق
2008إلهام
***
واشْ هذا وجْهكْ واللاّ كْفاكْ
خْدِيتِينِي نشْقى على أمكْ وْ البّاكْ
وانا اللِّي كنت نحلم نكون معاكْ
نوْلْدُوا ولادْنا وِ كبروا حداكْ
واشْ هذا وجْهكْ واللاّ كْفاكْ
تْسافْرْ مرتاحْ أو تلوحْ الهم وْراكْ
أنا ماشي بهيمة تحطْ الحمْلْ على ضهرِي
كونْ معايا راجلْ معقولْ أو دغْرِي
أنا إنسانة بحالك كُلِّي حب أو إحساس
تمنِّيت نحقق أحلامي معاك ياولد الناس
إلى كنتِ واخْدْنِي على الشْقا أو تمارة
وْ تْقولِّي الشّا…الرّا… يا الحمارة
اللهم نمشي نشقى على والِدِييّا
اللِّي تعذْبُوا أو سهروا عليّ
نمشي نحُطْهم فوق راسي وعينِيّ
سيرْ جيب خدّامة لْ والِديكْ يا قليل النِّية
ilham 08/11/2008
***
****
قالك ماياكُلْشْ خُبْزْ السوقْ
خْضانِي غِيرْ باشْ نْعْجْنْ لُو
دارْ لِيَ فْ الحومَة شوهة وْ بُوقْ
وانا نْشَمَّرْ.. أُو بْدِيتْ نْعَرَّقْ لو
وْالليتْ نْتْحَيَّرْ عْلِيهْ بْلا جُوقْ
شَدُّونِي عْظامِي وانا نْسْخَفْ لُو
هاكْ..هاكْ..عْلى وْلْدْ السِّي مَرْزُوقْ
جابْنِي خْدَّامة نْطَيَّبْ وْ نْصَّبنْ لو
مْنْ الشَّرْجْمْ لْحْتْ حْوايْجُوا منْ الفوقْ
وْاللاَّ إيتْمْنَّانِي غِيرْ نْسْكُتْ أو نْسْمحْ لُو
شْدَّاتُو الخَلْعَة وْاللاَّ يْزاوْكْ مَخْنُوقْ
وانا بالمُوسِيقى فْ السطحْ نْتْشَمسْ لو
إيرَضَّعْ وِصَبَّنْ لْ تْرابِي الخْرُوقْ
وانا قُدَّامْ التْلْفزة فْ الأفْلامْ نْتْفَرَّجْ لو
ilham30/04/2008
****
نُوضِي يامِّي زَوْجِينِي
أو فْ المِيدَة دَوْرِينِي
بْغِيتْ حثَّى أنا نْفْرْحْ بْراسِي
قْبْلْ مانْشْرْفْ وِطِيحُوا ضْراسِي
نْوْلِّي بْعُكَّازْ نْقَفْقْفْ أو نْقاسِي
نوضي يامِّي خُطْبِي لِيّ
ياللاَّهْ بينا عفاكْ للعروبِيَّة
بْغِيتْها غْشيمة أوسَكُّوتِيَّة
باشْ ماتْبْقى تْفْهم عْلِيَّ
ماتْكْولِّي جيبْ ولا آرا ليَّ
غيرْ نْحنْحَنْ،تْجْمْدْ الزُّغْبِيّة
مللِّي نْدْوِي بْالطَّالْيانِيَّة
تْفْرحْ أوتْبْدى تْزَغْرْتْ لِيَّ
مللِّي نْدْوي بالسْبانْيُولِيَّ
تْنوضْ الدَّرْدْكْ عل البْسْتِيلِيَّ
ومللي ندْوِي بالفرنسِيَّ
تْوْلِّي فْ رْجْلِي تْغْسْلْ لِيَّ
تْكونْ عارفة غير السْوَاكْ أو الكْحُلْ
أو ماتْعْرْفْ لا فينْ تْخْرُجْ ولا تْدْخُلْ
أو تْوْلِّي تْهَزْ بالخْلْعة مللِّي نْسْعُلْ
نوضي يامِّي زوجيني
أو فْ الميدة دوْريني
نوضي يامِّي خطبي ليَّ
وايَّاكْ تْعْزْلِيلي العصرية
بالفلسفة والقانون تْحَنِّي لِيَّ
تْوْلِّي باللغاتْ تْفهم عليَّ
وانا مْصَّابْ نْفْهْم العربية
إلى دْويتْ الطَّيَّحْ بِيَّ
نُوضِي يامِّي زَوْجِينِي
أو فْ المِيدَة دَوْرِينِي
بْغِيتْ حثَّى أنا نْفْرْحْ بْراسِي
قْبْلْ مانْشْرْفْ وِطِيحُوا ضْراسِي
نْوْلِّي بْعُكَّازْ نْقَفْقْفْ أو نْقاسِي
الزواج آلْمِّيمة ماشي عِيبْ
خْفْتْ لانْبْقى ساكتْ حثَّى نْشيبْ
وِعْواجْ ضَهْرِي أوفُمِّي إيريبْ
تْوْلِّي المرا تْجْرِي بِيَّ لْ طبِيبْ
نْوْلِّي بحالْ جْدْها ماشي حبيب
<img border=”0″ src=”../images/logo.gif” alt=” CopyrightFrance.com “>
****
chi3r maghribi
2008
****
وامِّي البَّارابُولْ خْرْجْ عْلِيَّ
دَوَّخْ لِيَّ مْرَاتِي الشْعَيْبِيّة
جْبّْداتْ الوْجْه حتى هِي
عِينِيها وْاللاَّوْ بْحالْ الشِّينْوِييَّة
وامِّي البَّارابُولْ خْرْجْ عْلِيَّ
دْخَّلْتْها المُحارَبَةْ الأُمِّيَّة
باش تْقْرَا أُو تْعَلَّمْ لِيَّ
حارْباتْ التقالِيد المغربِية
هْضَرْتْها تْخَلْطَاتْ الزُّغْبِيَا
الدَّارِجَة مْعَمْرَة بِالفَرنْسِيَّة
مْشَرْمْلَة مْزْيانْ بالمِصْرِيَّة
أُو مْعَصّْرَا فيها المِكْسِيكِيَّة
وامِّي السَّاتِيلِّيتْ خْرْجْ عْلِيَّ
واللاَّتْ الدَّرْدْكٌ عل الجْفْنا بالإِسْبَّانِيَّة
تْتْكَرْكْبْ ف الربيع بحال الهندية
دارْتْ التْرابْ أوالغَرْسْ فْ القَصْرِيَّة
أونْسَّاتْنِي فْ المْسَمَّنْ أو الخُبْزة البْلْدِيَّة
وِاللِّينَا يالْحْبابْ عايْشِينْ فْ البِّيتْزِيرِيَّة
مْصارْنِي وْاللاَّوْ إِغَرْغْرُو بالطَّالْيانِيَة
إلى غْضَبْتْ تْوَلِّي تْتْحيَّرْ أُوتْجْدَبْ لِي
وْاللاَّتْ بْ الأَنْتِيرْنِيتْ مْبْلِييَّة لِي
فْ إيمِيسَنْ تْشاطِي بْ حُرِيّة
تْقَيَّلْ بْالبُّورْطابْلْ تْبِيبِّي عْلِيَّ
تْأتْراتْ بْالأفْلام الغَرامِيَة
وامِّي البَّارابُولْ خْرْجْ عْلِيَّ
<img border=”0″ src=”../images/logo.gif” alt=” CopyrightFrance.com “>
ilham12/03/2008
إنشاء الله
إنشاء الله
إيميسين دارها بيَّ
***
البارابول خرج عليَّ
***
إلى مابقاتش فك هاهيَّ
***
نوضي ياأمي زوجيني
***
مالك عاكدها آيا بوشعيب
***
غادي إيغنِّيوهم مجموعة عبيدات الرمى
إوا هانتوما عطيتكم الأخبار صخونة
يالله خرجات من الفران
******
msn darha biya
إيمِيسِينْ دَارْها بِيَّ
***
إيمِيسِينْ دَارْها بِيَّ
واللاَّتْ مْراتِي عَزْرِية
تْشاطِي حْتَّى لْ الصُبْحِيَّة
عَ نْقَرَّبْ تْحَنْزَزْ فِيَّ
كاتْعانْد مع مَارِيَّا
من السِّيبِيرْ ماتْكّْعَّدْ لِيَّ
هي تْشاطِي وانا نْراري بالبْنِيَّة
وْاللِّيتْ نْخْرُجْ بالرَّضاعة فِيدِيَّا
والخَرْقَة فوقْ الطَّاكٌييَّة
وْلاَّوْا الجِيرانْ إيتْغامْزُوا عْلِيَّ
إيكْولوا شُوفُوا راجل الشعيْبِيَّة
مول الخْرْقَة فوق الطَّاكْيَّة
طْلَيْتُو من راسي لْرْجْلِيَّة
وْاللِّيتْ ناكُلْ عند والِدِيَّ
تْبارْكْ الله ع الشْعيْبِية
تْكَمَّشْ اللُّغاتْ وْتْشَيَّرْ عْلِيَّ
وْاللاَّتْ دِكْسْيُونِيرْ العْرُوبِيَّة
مْشِيتْ عند الفْقِيه إيشُوفْ لِيَّ
أنا مسكين غير نِييَّا
شْبْهْتْ فْ بَّا ولد الفاطْمِيَّة
حيتْ مْسِيكِنْ تْقاداوْا لِيَّ
واللاَّ لِيَ المَا فْ رْكابِيَ
عْطانِي حْرُوزْ بالإنْجْليزِيَّة
نْشَرَّبْهُم لْ مْراتِي الشْعَيْبِية
حيتْ مْلُوكْها من الدول الأوروبِّية
مايْفَهموش العَرْبِية
وْاللاَّوْا إيسارِيوْا فِي
فْ الآثاراتْ المغْرِبية
مْشيتْ حثى للراشدية
واشْ نْدِيرْ داخْتْ بِيَّ
إيمِيسِينْ دَارْها بِيَّ
حَرْكٌّوا الكُفَّارْ الحْرَيْمِيَّة
من إيمِيسينْ سكْنُوا فْ الشْعَيْبِيَّة
ilham18/03/2008
<img border=”0″ src=”../images/logo.gif” alt=” CopyrightFrance.com “> | |
|
المدير العام الثانية
عدد الرسائل : 135 السٌّمعَة : 21 نقاط : 41 تاريخ التسجيل : 03/05/2008
| موضوع: زجل مغربي الخميس فبراير 19, 2009 8:30 am | |
| <DIV align=center> إلى ما بْقاتْشْ فْكْ هاهِيَباشْ إيحَلْفُوا الشْلاغْمِيَّةمانْتْسْمَّاشْ وْلْدْ الفاطْمِييَّةيا مْراتِي الشْعَيْبِييَّةيا اللِّي تْبْدْلاتْ عْلِيَّوْاللِّيتْ نْرَضَّعْ ْ البْنِييَّةوْلْغْزالة المَّرْحَة لِيَّمع الأفْلام المِكْسِكِييَّةوْاللاَّتْ شَهْبَة النَّسْرانِيةإلى ما بْقاتْشْ فْكْ هاهِيَالتِيلِيكُومَنْضْدْ تْزابِّي لِيَّالتِّيلِيفُوناتْ مْسْتْفاهُم لِيَّحادْكْة وْ مْنَظْمة الشْعَيْبِييَّةإلى ما بْقاتْشْ فْكْ هاهِيَمانْتْسْمَّاشْ وْلْدْ الفاطْمِييَّةوْلادْها لايْحَاهُمْ لِيَّأنا عْنْدْها خْوادْرِييَّاالصغِير مْعلَّقْ فِييَّاواحْد فْ قُبِّي مْحْشِي لِيَّالثالت بْالبْكَى صمَّك وْدْنِييَّاالرابعْ بْحالْ المُّو إخَنْزَرْ فِيَّوالخامس إيدْفَلْ عْلِيَّوالسَّادسْ تالْفْ بين رْجْلِيَّنْرارِي وْ نْرَضَّعْ فْ تْرِبييَّايْمكْنْ مْحَرْشاهُمْ عْلِيَّإلى ما بْقاتْشْ فْكْ هاهِيَمانْتْسْمَّاشْ وْلْدْ الفاطْمِييَّةتْشَطَّحْ الفارة حثَّى هِيَّتْقَيَّلْ تْشاطِي حْدا عِينِييَّاماحْشْماتْ ماراعاتْ لِيَّأنا نْقَيَّلْ نْحارْبْ المِيزِيرِيَّةعَلْ الخُبْزة نْقَطَّعْ إيدِييَّا١٠كام كل لِيلة عْلى رْجْلِييَّأونْزِيدْ نْطَيَّبْ للشْعيبِييَّةمْللِّي تْشْبْعْ وْتْعَرَّكْها لِيَّتْلاحْ للأفْلام المصرِيةوْاللاَّ تْشاطِي بالطالْيانِيَّةإلى ما بْقاتْشْ فْكْ هاهِيَباشْ إيحَلْفُوا الشْلاغْمِيَّةمانْتْسْمَّاشْ وْلْدْ الفاطْمِييَّةدابا نْرَجْعْكْ للْعْرُوبِييَّةتْوْلِّي تْزابِّي فْ القَصْرِيَّةلْ بوك اللِّي لَصْقَكْ لِيَّتْرْجْعِي لأصْلْكْ يالْحْرَيْمِييَّةبالْرْحَى تْوْلِّي تْشاطِي لِيَّالفِيرانْ مُوجُودة فْ العْروِبيَّةشَطْحِيها وْشاطِي بِها للْصُّبْحِيَّةإلى ما بْقاتْشْ فْكْ هاهِيَمانْتْسْمَّاشْ وْلْدْ الفاطْمِييَّةتْوَلِّي تْفَرْجِي فْ البِيرْ وْالهنْدِيَّةإلى ما بْقاتْشْ فْكْ هاهِيَ باشْ إيحَلْفُوا الشْلاغْمِيَّةمانْتْسْمَّاشْ وْلْدْ الفاطْمِييَّةilham22/03/2008 | |
|